InfoHub Logo

Erterekte pishenge túsken bireý shóbin bitirgen soń, tartpasynyń sabyn beline qystyryp, attanyp aı jaryǵymen bókterdegi úıine qaıtypty. Biraz júrgen soń artyna qarasa, qolynda soıyly bar jortýylshy sekildi bireýdiń quıyp kele jatqanyn baıqap qalyp shoshyna: «ury, ury!» dep aıǵaılap qasha jónelipti. Aýylǵa taıaǵanda kezikken birnesheý:

— Ne boldy, ne boldy? — dep surasa, álgi qashyp kele jatqan:

— Ury, ury, — degendi ǵana aıta alypty. Qarasa, eshkim joq. Sóıtse, soıyl alyp qýalaǵandaı bolyp kóringen óziniń kóleńkesi eken. İstiń jaıyna kózi jetken álgi kezikkender:

— Iapyr-aı, bir ólimnen qalǵan ekensiń, óziniń qolyna túspeı ketken óziń de er, atyń da egeı eken, — depti ony keketip.

 

---