InfoHub Logo

Maqsaty: Tárbıelenýshilerdiń zeıinin, bilim-bilik daǵdylaryn qalyptastyrý, aqyl-oıyn damytý maqsatynda balabaqsha tárbıeshilerine aqparattyq tehnologıalardy paıdalanýdyń tıimdi joldaryn kórsetý jáne ony óz tájirıbelerinde keńinen qoldanýǵa yqpal etý;

JOSPARY:
İ. Kirispe.
Aqparattyq tehnologıa – búgingi kún talaby.
İİ. Negizgi bólim.
Aqparattyq tehnologıany balabaqsha tárbıeshilerine meńgertý joldary.
Aqparattyq tehnologıany paıdalaný – balany jan-jaqty damytýdyń sheshýshi quraly.
Aqparattyq tehnologıany qoldanýdy balabaqshada júzege asyrý tájirıbemnen.
İİİ. Qorytyndy.

Elbasynyń «Jańa álemdegi jańa Qazaqstan» atty joldaýynda: «Biz búkil elimiz boıynsha álemdik standarttar deńgeıinde sapaly bilim berý qyzmetin kórsetýge qol jetkizýimiz kerek» dese, İİİ taraýy, 18-shi baǵytynyń 7-shi tarmaqshasynda: «Aqparattyq tehnologıalar men aqparatty taratýdyń jańa nysandaryna baǵyttalǵan mamandandyrylǵan bilim berý baǵyttaryn qurý mindeti de aldymyzda tur» delingen, sondaı-aq 17-shi baǵyttyń 3-shi tarmaqshasynda «on-laın tásilinde oqytý tájirıbesin damytyp, elimizde oqý teledıdaryn qurý qajet» dep kórsetilgendeı búgingi kúni bilim berý júıesi jańa pedagogıkalyq tehnologıaǵa negizdelýin jáne aqparattyq quraldardyń keńinen qoldanýyn qajet etedi. Osylaısha oqý-tárbıe úrdisindegi jańa aqparattyq tehnologıalardy paıdalaný zaman talabynan týyndap otyr.

Básekege qabiletti bilim keńistigin qurýǵa baǵyttalǵan qazaqstandyq bilim berý reformasynyń basty maqsattarynyń biri – ınovasıalyq tehnologıalarǵa súıene otyryp, balanyń boıynda shyǵarmashylyq oılaýdy damytýǵa múmkindik jasaý bolyp otyr. Mundaı kúrdeli mindetterdi sheshýde mektepke deıingi mekemelerdiń alatyn orny erekshe. Búldirshinderdiń bilim berýdiń keıingi satylarynda nátıjeli damýyn anyqtaıtyn negiz – balabaqshadan qalanatyndyǵy barshamyzǵa málim.

Qazirgi kezeńde elimizdiń bilim berý uıymdarynda oqytý prosesin izgilendirý maqsatynda kóptegen jumystar jasalýda. Olardy ǵylymı tilmen aıtqanda «ınovasıalyq proses» nemese «pedagogıkalyq jańalyqtardy engizý» dep atalady. Innovatıka uǵymynyń máni latynnyń «in-novus» degen sózinen shyqqan, «jańartý, ózgertý, jańashyldyq» degen maǵynany bildiredi. Iaǵnı, pedagogıka ǵylymynda jańa ádisterdi, tásilderdi, quraldardy, baǵdarlamalardy paıdalaný.
Inovasıalyq bilim berý quraldaryna: aýdıo-vıdeo quraldar, kompúter, ınteraktıvti taqta, ınternet, kompúter – mýltımedıalyq qural, elektrondyq oqýlyqtar men oqý-ádistemelik keshen, ınovasıalyq aqparattyq bank, ınovasıalyq saıt jáne taǵy basqalary jatady. Sondyqtan da qazirgi tańda kóptegen ınteraktıvtik baǵdarlamalyq bólimder, qozǵalmaly obektiler qurýǵa múmkindik beretin vektorlyq jáne grafıkalyq jabdyqtar kóptep shyǵyp, qoldanys tabýda. Osyndaı quraldardyń biri – mýltımedıalyq oqýlyqtardy balabaqshada keńinen paıdalaný oqý is-áreketterin joǵary dárejede júzege asyrýǵa múmkindik týǵyzary anyq. Bul jaǵdaıda tárbıeshi ár oqý is-áreketterin ótkizer aldynda jıi-jıi kórnekilikter aýystyrmaǵan bolar edi. Al mýltımedıalyq oqýlyqtar arqyly tárbıeshi ýaqytty tıimdi jáne utymdy paıdalanary aıqyn.

Mýltımedıalyq oqýlyqtar birinshiden balalardyń qyzyǵýshylyǵyn arttyrady, ekinshiden zeıin qoıyp kórýmen qatar túsinbegen jerlerin qaıta kórýge, tyńdaýǵa jáne alǵan maǵlumatty naqtylaýǵa múmkindik beredi, sonymen qatar búldirshinniń bilim alý kezeńinde oqý is-áreketine belsendiligin arttyra túsedi. Mýltımedıalyq oqýlyqtar balabaqsha búldirshinderine arnalǵan taptyrmas qural. Sebebi, bul kezeńdegi balalardyń zeıini ádemi tústerge, ádemi oıynshyqtarǵa, ádemi sýretterge, ıaǵnı, ádemilikke, ásemdikke áýes bolady. Kez kelgen sabaqta ár túrli ádemi, unamdy, jaǵymdy sýretter, syzbalar, tásilder arqyly grafıkalyq ılústrasıalar negizinde aqparattyq-kommýnıkasıalyq tehnologıalardy paıdalaný tárbıelenýshilerdiń tanymdyq belsendiligin arttyryp qana qoımaı, logıkalyq oılaý júıesin qalyptastyrýǵa, shyǵarmashylyqpen eńbek etýine jaǵdaı jasaıdy.

Zamanymyzǵa saı qazirgi qoǵamdy aqparattandyrýda pedagogtardyń biliktiligin aqparattyq-kommýnıkasıalyq tehnologıany qoldaný salasy boıynsha kóterý negizgi mindetterdiń birine aınaldy. Qazaqstandaǵy bilim berýdi damytýdyń 2011-2020 jyldarǵa arnalǵan memlekettik baǵdarlamasy
jobasynda Qazaqstanda oqıtyndardy sapaly bilimmen qamtamasyz etip, halyqaralyq reıtıńilerdegi bilim kórsetkishiniń jaqsarýy men qazaqstandyq bilim berý júıesiniń tartymdylyǵyn arttyrý úshin, eń aldymen, pedagog kadrlardyń mártebesin arttyrý, olardyń búkil qyzmeti boıyna mansaptyq ósýi, oqytylýy jáne kásibı biliktiligin damytýdy qamtamasyz etý, sondaı- aq pedagogterdiń eńbegin memlekettik qoldaý men yntalandyrýdy arttyrý máselelerine úlken mán berilgen [1]. Óz betimen bilim alý – pedagogtyń kásiptik sheberligin kóterýdiń birden bir joly.

Qazirgi zaman talabyna saı tárbıe salasyna engizilgen jańa baǵyttaǵy tyń úderisterdi tárbıeshi meńgerip qana qoımaı, ony tájirıbede oryndy qoldana otyryp, óz bilimin, iskerligin únemi jetildirip otyrýy tıis. Jańa ómirdiń standarty «Jalpyǵa birdeı bilim, ómir boıy bilim alý». Osy oraıda 2006 jyly Atyraý qalalyq №4 kásiptik mektebiniń Aqqystaý fılıalynda EVM mamandyǵy boıynsha oqyp, «tórtinshi dárejeli EVM operatory» mamandyǵynyń kýáligin aldym. Kúni keshe 2012 jyldyń 27 aqpan 3 naýryz aralyǵynda Atyraý oblystyq kadrlar biliktiligin arttyratyn jáne qaıta daıarlaıtyn ınstıtýtynda «Qashyqtyqtan oqytý negizderi» taqyrybyndaǵy bilim kóterý kýrsynan óttim. Búgingi tańda tómendegideı aqparattyq baǵdarlamalardy meńgerip, is-tájirıbemde qoldanyp júrmin:

Paint
Power Point
Microsoft Office jıyntyǵy
Qazaqstan Respýblıkasynda 2015 jylǵa deıingi bilim berýdi damytý tujyrymdamasy
CyberLink Power Director
Windows Movie Maker
Activstudio
«Qansha bilseń, izden taǵy, taǵy da, Bilikti adam jeter tilek, baǵyna» degen ǵulama Balasaǵunnyń sózderi meniń ómirlik qaǵıdam.
Qazaqstan Respýblıkasynyń «Bilim» týraly Zańynyń 8-babynda «Bilim berý júıesiniń basty mindetteriniń biri – oqytýdyń jańa tehnologıalaryn engizý, bilim berýdi aqparattandyrý, halyqaralyq ǵalamdyq komýnıkasıalyq jelilerge shyǵý» dep atap kórsetken. Sondyqtan, qazirgi damý kezeńi bilim berý júıesiniń aldynda oqytý úrdisin tehnologıalandyrý máselesin qoıyp otyr.
Oqytýdyń ártúrli tehnologıalary saraptalyp, jańashyl pedagogtardyń is-tájirıbesi zerttelip, bilim berý úrdisine enýde. Osy oraıda ózimniń ótkizgen ashyq sabaq, dóńgelek ústel, tárbıelik sharalarymdy www.45.minut.kz respýblıkalyq ustazdar saıtyna jarıalap, saıttyń sertıfıkatyna ıe boldym. Bul men úshin, árıne, úlken qýanysh, ári jetistik.

Men jumys jasaıtyn «Balbóbek» balabaqshasy qazirgi tańda aqparattyq tehnologıalarymen jabdyqtalýy syn kótermeıdi. Osy jaǵdaıda nátıjeli jumys jasaýdyń tıimdi joldaryn qarastyra kele, tómendegideı is-sharalardy uıymdastyrdym. Aldymen, balabaqsha tárbıeshileriniń suranysyna sáıkes pedagogıkalyq keńestiń sheshimimen kompúterlik saýattylyqty jolǵa qoıý maqsatynda aqparattyq tehnologıalar baǵdarlamalarymen jumys jasaý kýrsyn uıymdastyrdym. Onda men mynandaı maqsatty kózdedim:

Jalǵasy: vord faıly túrinde jáne
Balabaqshada oqytý men tárbıeleý úderisinde aqparattyq tehnologıanyń róli taqyrybyndaǵy prezentasıa