InfoHub Logo

Turannyń dańqy álemge taraǵan ámiri Aqsaq Temir qalyń qolmen jyraqtaǵy jaýǵa attanyp bara jatyp Túrkistan shaharyna soǵypty. Alys joldan aryp-ashqan áskeri de malýǵa úı-úıge bóline bastapty. Aqsaq Temirdiń ózi bir oqshaý úıde ońasha qonyp otyrǵanda, úı ıesi kempir onyń aldyna tabaqpen bıdaı kóje ákeledi. Qarny ashyp kelgen Temir qasyq toly kójeni urttaımyn dep aýzyn kúıdirip alyp:

— Sheshe-aı, kójeńiz ystyq eken ǵoı, — depti.

Sonda meımannyń jer-jahandy titiretken qaharly qolbasshy ekenin bilmeıtin kempir:

— Áı, shyraǵym-aı, «kójeni betinen alady, jaýdy shetinen alady» degendi estimep pe ediń, jańa pisken bıdaı kójeni qalqyp ishpeseń, aýzyńdy kúıdirmeı qaıtedi, — depti.

Talaı urysty kórgen tájirıbeli Temir qarapaıym kempirdiń: «jaýdy shetinen alady» degen sózinde soǵys ónerine sabaq bolarlyq danalyq jatqanyn ishke túıip qalǵan eken deıdi.

---