InfoHub Logo

Aqpan aıynyń 22shi juldyzy saǵat 12:00-de Ábý Nasyr ál-Farabıdiń 1150 jyldyq mereıtoıyna oraı «ál-Farabı – uly dalanyń uly tulǵasy» atty taqyrybynda fılologıa jáne álem tilderi fakúltetiniń Shetel fılologıasy-101 tobynyń stýdentteri arasynda ǵylymı konferensıa ótkizildi. Konferensıanyń basty maqsaty – ál-Farabı týraly derekterdi jetkizý, onyń ómirlik jáne shyǵarmashylyq jolyn saralaý, uly ǵalymnyń esimin búgingi kúnde jańǵyrtý.

Sabaq barysynda ál-Farabı týraly derekti vıdeolar kórsetilip, ǵulama oıshyl týraly aǵylshyn tilinde baıandamalar oqyldy. Onda ál-Farabı babamyzdyń Shyǵys fılosofıasynyń negizin qalaýshy ekendigi atalyp ótildi. Kúı oınalyp, ál-Farabı týraly óleńder oqyldy. «Arman» atty óleń joldarynan ál-Farabıdiń bala kúngi armany rasynda oryndalǵanyna kózimiz jetip otyr. Sabaqta ál-Farabıdiń ómiri týraly, onyń álemdik ǵylymda alatyn orny men shyǵarmashylyq joly týraly málimetter tolyq qamtamasyz etildi.

Ál-Farabı Arıstotelden keıingi dúnıe júzi bilimi men mádenıetiniń ekinshi ustazy atanǵan danyshpan, ensıklopedıst ǵalym, astronomıa, astrologıa, matematıka, logıka, mýzyka, medısına, tabıǵattaný, sosıologıa, lıngvısıka, poezıa, rıtorıka, fılosofıa ǵylymdaryn meńgerip, 200-ge jýyq traktattar jazǵan. Ókinishke qaraı, osynaý ushan-teńiz rýhanı týyndylardyń kóbisi joǵalyp, bizdiń zamanymyzǵa tek 40 shaqty eńbegi ǵana jetken. Azıanyń uly ǵalymdary men oıshyldary Ábý Álı ıbn Sına (Avısenna), Berýnı, Bozjanı, Omar Haıam jáne t.b. ózderin Ábý Nasyr ál-Farabıdiń shákirtterimiz dep eseptegen. Ábý Álı ıbn Sına: «Buryn esh túsine almaı júrgen grek metafızıkasyn tolyǵymen osy ál-Farabıdiń kitabyn oqyp túsindim»  degen eken.                                      

F.Qozybaqova, Ál-Farabı at. QazUÝ tarıh kafedrasynyń dosenti

Sh. Medeıa, 1-kýrs stýdenti

---