InfoHub Logo

Bir kúni eki adam daýlasyp Juqaǵa keledi. Daýger Juqaǵa:

— Qazy myrza, men túsimde aqsha sanap jatqanymda myna adam sol aqshamnyń daýysyn alyp aldy. Endi qaıtaryp ber desem, kónbeı jatyr, — deıdi.

Juqa bir qaýym oılanyp otyryp baryp, aıypkerge:

— Sen baryp bir dorba aqsha alyp kel, — deıdi. Ol bir dorba aqsha ákelip Juqaǵa ustatady. Juqa ekeýin otyrǵyzyp qoıyp teńgeni syńǵyrlatyp otyryp sanap shyǵady. Sanap bolyp, daýgerge:

— Aqshanyń syńǵyryn estidiń be? Sen sol daýysty alyp ket, — deıdi.

Sonan soń aıypkerge:

— Al endi sen aqshańdy óziń áket, bul daýdyń kesimi osymen aıaqtalsyn, — deıdi. Sóıtip, alǵashqy daýger lám-mım deı almaı óz jolyna túsedi.

 

---