Aqtóbe oblysynda fýtbol qaqpasy qulap, oqýshy jan tapsyrdy
Qaıǵyly oqıǵa 5 qazan kúni Aqtóbe oblysy Shalqar aýdany Tumalykól aýylynda bolǵan eken. M.Orynbasarov atyndaǵy aýyl mektebiniń fýtbol alańynda 11 synyp oqýshysyna qaqpa qulap, bala jan tapsyrǵan.
Aktobetimes.kz redaksıasynyń aqparatyna súıensek, 17 jastaǵy Nurserik aýdanaralyq jarystan keıin qaza tapqan. Balanyń ústine fýtbol qaqpasy qulap ketken kórinedi.
Shalqar aýdany bilim berý bólimi basshysynyń mindetin atqaryp otyǵan Amangeldi Qonatbaev jarys týraly aqparatty joqqa shyǵarǵan. «Eshqandaı jarys bolǵan joq. Oqýshylar keshke jaqyn aýyl shetindegi fýtbol alańyna barǵan. Bul alańdy oqýshylardyń ózi jabdyqtaǵan. Nurserik qaqpanyń ústine shyqqan kezde, qaqpamen qosa qulaǵan shyǵar... Osy is boıynsha bizge komısıa kelip ketti. Komısıanyń qorytyndysy - qaıǵyly oqıǵa...», - deıdi ol.
Nurserik Tumalykól aýylynyń mektebine bıyl ǵana aýysyp kelgen eken. Buǵan deıin Yrǵyz aýdanyna qarasty aýyldardyń birinde bilim alǵan. Marqumnyń ata-anasy sol Yrǵyz aýdanyndaǵy aýylda turady.
You Might Also Like
-
Álem biz oılaǵannan da qyzyqty ári kúrdeli, mıkroskop áınegi arqyly qarasań bolǵany. Qarapaıym zattar men jándikterdiń ásemdigin kórsetý úshin Nikon’s Small World mıkrosýretter saıysy qurylǵan...
-
Astanadaǵy transfýzıologıa ǵylymı-óndiristik ortalyǵy mamandary qazaqtyń boıynan transplantologıa barysynda almastyrylǵan músheniń ulasyp ketýine jol bermeıtin antıgen tapty, dep xabarlaıdy QazAqparat.
