Qazaqtan ǵylymǵa belgisiz antıgen tabyldy
Astanadaǵy transfýzıologıa ǵylymı-óndiristik ortalyǵy mamandary qazaqtyń boıynan transplantologıa barysynda almastyrylǵan músheniń ulasyp ketýine jol bermeıtin antıgen tapty, dep xabarlaıdy QazAqparat.
Germanıadaǵy adamnyń leıkosıtarlyq antıgenderin tirkeıtin arnaıy uıym atalmysh antıgendi óz bazasynan tappaǵan jáne qazaqstandyq mamandardyń jańalyǵyna tańdanys bildirdi.
«Bizdiń barlyǵymyzda leıkosıtarlyq antıgender bar. Olardyń sáıkessizdigi donordyń múshesin resıpıentke aýystyrý kezinde qıyndyqtar týǵyzýy yqtımal. Sondyqtan biz ekeýiniń de genderin qaraımyz. Olardyń sáıkestigin tekseremiz. Olar rastalǵan kezde ǵana adam músheleri men tinderin almastyra alamyz. Biz pasıentti tekserý kezinde álemge belgisiz, ǵylymda tirkelmegen múldem jańa genderge tap boldyq. Olar belgili bir dertke áser etpeıdi, belgili bir patologıalarǵa da soqtyrmaıdy. Olardy buryn anyqtamalǵanynyń sebebi, qazaqtardy mundaı deńgeıde áli eshkim zerttep kórmegen», - deıdi ımmýnologıalyq tıpırleý zertxanasynyń meńgerýshisi Aıda Turǵanbekova.
Transfýzıologıa ǵylymı-óndiristik ortalyǵy tóraǵasynyń orynbasary Sánıa Ábdiraxmanova «QazAqparat» tilshisine bergen suxbatynda, «DQB1*03:82» degen ataýǵa ıe bolǵan jańa antıgen óte qarapaıym ekendigin aıtty, degenmen ol birqatar qıyndyqtar týǵyzýy yqtımal.
«Biz bul mýtasıanyń áserinen emes, atadan balaǵa tuqym arqyly taralyp kele jatqan nárse ekenin dáleldeý úshin otbasylyq tekseris ótkizdik. Dáleldedik, nátıjelerin Germanıaǵa jiberdik. Olar bul antıgenniń, rasymen, buryn-sońdy eshkimnen tabylmaǵanyn málim etti. Bul gen otbasyndaǵy tek bir adamnan tabylyp otyr. Ol dertke shaldyqpasyn dep tileımiz. Sebebi ol gen múshe almastyrý kezinde keri áser berýi yqtımal. Oǵan donor tabý qıyn bolady. Ol álemde jalǵyz», - dedi Sánıa Ábdiraxmanova.
Aıta ketý kerek, atalmysh gen sekvenırleý kezinde, quny 80 mln teńge bolatyn qurylǵynyń arqasynda tabyldy.
«Osy zertxananyń arqasynda 2011 jyldan bastap Qazaqstanda transplantologıa qarqyndy damydy. Bul zertxanasy bolmasa, tranplantologıa jasaý múmkin emes. Sondyqtan qan úlgileri eń aldymen osynda túsedi», - deıdi S. Ábdiraxmanova.
You Might Also Like
-
Qaıǵyly oqıǵa 5 qazan kúni Aqtóbe oblysy Shalqar aýdany Tumalykól aýylynda bolǵan eken. M.Orynbasarov atyndaǵy aýyl mektebiniń fýtbol alańynda 11 synyp oqýshysyna qaqpa qulap, bala jan tapsyrǵan.
-
Aqtóbe oblysy Muǵaljar aýdanynda balalar arasyndaǵy kıkiljińnen soń mektep muǵalimi óz aýyldasyn ar-namysyn qorlaǵany úshin sotqa berdi dep habarlaıdy Kerek ınfo.
