Aqtóbe oblysynyń ákimi shaǵyn mektepterdi jabýdy usyndy
Aqtóbe oblysynyń ákimi Berdibek Saparbaev bilim sapasyn jaqsartý úshin shaǵyn mektepterdi jaýyp, oqýshylardy kórshi eldi-mekenderdegi irileý mektep-ınternattarǵa kóshirýdi usyndy. Bul týraly óńir basshysy oblystyq ákimdikte ótken UBT qorytyndysy boıynsha keńeste málim etti.
«2016 jylǵy UBT qorytyndysy boıynsha Aqtóbe mektepteri túlekteriniń ortasha upaıynyń tómendeýi baıqalýda. Oblystaǵy eń tómengi upaıTemir aýdanynda - 70,9 tirkelgen, - dedi Aqtóbe oblystyq bilim basqarmasynyń basshysy Sáýle Ómirbekova.
Onyń sózine qaraǵanda, JOO-ǵa túsýge qajetti upaıdy jımaǵandardyń ishinde shaǵyn mektepterde bilim alatyn túlekter az emes.
Osyǵan baılanysty oblys ákimi Berdibek Saparbaev mundaı mektepterdi jaýyp, oqýshylardy ınternat ashý arqyly ózge mektepterge aýystyrýdy usyndy.
«Bastysy - balalar biliminiń sapasyn jaqsartý», - dep atap ótti Berdibek Saparbaev. Ol tamyz konferensıasy aldynda UBT-nyń ortasha upaıynyń tómendeýine baılanysty saraptama júrgizýdi tapsyrdy.
Mektep oqýshylarynyń ári qaraı bilim alýy men eńbekpen qamtylýy máseleleri de ózekti.
Bilim basqarmasynyń aqparatynsha, aımaqta 17 men 21 jas aralyǵyndaǵy 417 jas esh jerde bilim almaǵan jáne mektepten keıin eńbekpen qamtylmaǵan.
You Might Also Like
-
Saqan aýylǵa dúnıeden ótip ketken áke-sheshesine quran oqytýǵa bardy. Saqandar bir áke-shesheden eki aǵaıyndy jigit. Aǵasy aýylda turady. Saqan aýylǵa barǵannan keıin kórshisi Tolybaı aǵanyń úıine ki...
-
Ertede bir qartaıǵan qoraz ómir súripti. Ol túlkiniń tabanyna talaı ret túsipti. Biraq únemi bir aılasyn taýyp, túlkiden aman qutylyp kete beripti. Sóıtip ol birde aýyl syrtynda dán terip, jer shoqy...
