InfoHub Logo

Ertede bir qartaıǵan qoraz ómir súripti. Ol túlkiniń tabanyna talaı ret túsipti. Biraq únemi bir aılasyn taýyp, túlkiden aman qutylyp kete beripti. Sóıtip ol birde aýyl syrtynda dán terip, jer shoqyp júrgen kezinde túlkiniń ózine qaraı jasyryna jaqyndap kele jatqanyn kórip qalady.

Qashyp ketýge aýyl alys bolady. Qoraz jalma-jan ushyp qasynda turǵan eskilikti shegirshin aǵashyna baryp qonady. Túlki aǵashtyń túbine jetip kelip:

— Páli, qoraz! Sen meni kóre sala aǵash basyna qonǵanyń ne?, —  deıdi. Al qoraz oǵan:

— Nemene, men seni júgirip baryp qushaqtaı alady dep pe ediń?, — dep jaýap qaıtarypty. Sonda túlki:

— Má-á, sen shynymenen eshteńe bilmeısiń be? Padıshah barlyq kósheler men bazarlarǵa jyrshylaryn jiberip, olarǵa: «Meniń búkil memleketimdegi birde-bir tiri pende, birde-bir ań álsizdi jábirlemeıtin bolady. Keleshekte bóriler men qoılar bir bulaqtan sý iship, qyrandar men kepterler bir uıada ómir súretin bolady» dep jar salýǵa ámir etipti. Sen de endi jerge tús, beri kel, ekeýimiz birge qydyraıyq, — deıdi.

— Ekeý – ara emes, top bolyp qydyrǵan jaqsy. Sál shydaı tur, anaý kele jatqan jyrtqyshtar da jetsin quıyndaı júıtkip. Sosyn bárimiz birge qydyramyz, - dep jaýap beredi qoraz. Sol sátte túlki turyp:

— Ol netken jyrtqyshtar? Qandaı jyrtqyshtar? — dep surapty.

— Bórilerge uqsaıdy, qulaqtary da, quıryqtary da uzyndaý kórinedi.

— Múmkin olar bóribasar ıtter shyǵar?

— Sirá, solaı bolar! Túlki ıtter shyǵar dep oılaıdy da aldy-artyna qaramastan zyta jóneledi. Al qoraz:

— Sen nege qashasyń?, — dep sońynan aıqaılaı qýady.

— Meniń ıttermen istes bolǵym kelmeıdi.

— Sen padıshah barlyq jyrtqyshtarǵa álsizderdi jábirlemeńder dep ámir etti degeniń qaıda?

— Óıtkeni, ol kezde ıtter dala kezip ketken edi, shahtyń nusqaýyn estimegen bolar. Olar meniń etimdi talap jeıdi.
Túlki osylaı dep ǵaıyp boldy.

---