Árbir qazaqstandyq otbasyna tynyshtyq, amandyq pen qut-bereke tileımin!
Memleket basshysy Nursultan Nazarbaev qazaqstandyqtardy Qurban aıt meıramymen quttyqtady. Bul týraly Aqordanyń baspasóz qyzmeti habarlady.
«Qymbatty qazaqstandyqtar! Barshańyzdy qasıetti Qurban aıt meıramymen quttyqtaımyn! Jasampazdyqtyń, izgilik pen meıirbandyqtyń nyshany bolǵan osynaý jarqyn mereke adamdardy qaıyrymdylyq pen janashyrlyqqa úndeıdi. Ol qazaqstandyqtardyń júregine jaqyndaryna degen súıispenshilik uıalatady, adamgershilik qundylyqtardy nyǵaıta otyryp, kómekke muqtaj jandarǵa qamqorlyq jasaýǵa jeteleıdi jáne rýhanı dástúrlerge baýlıdy.
Qazaqstan tabysty damyǵan 25 jylda Qurban aıt shyn máninde El birligi men qoǵamdaǵy konfesıaaralyq kelisimdi nyǵaıta túsýge biregeı yqpal etken aıtýly meıramǵa aınaldy.
Osynaý qasıetti mereke kúnderi árbir otbasyna beıbitshilik pen kelisim, amandyq jáne qut-bereke tileımin!
Shańyraqtaryńyz shattyq pen baqytqa tolsyn!», - delingen quttyqtaý mátininde.
You Might Also Like
-
Qazaqta "Ataly sózge arsyz da toqtaıdy" degen maqal bar. "Bas kespek bolsa da, til kespek joq", - deıtin qazaq halqy qaı zamanda da qashanda júıeli sózge toqtaǵan. Sóz asylyn, or...
-
Qazaqstandyq boksshy Gennadıı Golovkın álemniń úzdik boksshysy reıtıńinde salmaq dárejesine qaramastan Boxrec tujyrym boıynsha (P4P) óz jaǵdaıyn jaqsartty, dep habarlaıdy Sports.kz.
