InfoHub Logo

Egemendi, Táýelsiz Qazaqstanda órkenıetke bastar joldyń bastaýy – mektep desek, mekteptiń basty tulǵasy, júregi – Ustaz. Ustazdardyń áserli únimen, asyqpaı mánerlep sóılegen sózinen árbir oqýshyǵa degen qamqorlyqtyń,danalyq, analyq, sezimniń dana oıdyń ystyq lebi esip turǵandaı. Adamnyń jan dúnıesin túsinip, renjitpeı, qateligin sezdire bilý – bul naǵyz sheberlik emes pe?! Ustaz bolý kez kelgenniń qolynan kele bermeıdi. Barsha eki aıaqty pendelerdeı balalyq shaqqa saıahat jasaý arqyly – alǵashqy ustazymdy esime alǵym keledi.

Osydan 10 jyl buryn eń alǵashqy mektep tabaldyryǵyn attap kirgen sátimde kúlimdep qarsy alǵan,qolymnan jetektep partaǵa otyrǵyzyp, Álippe kitabyn ustatqan, meniń súıikti de alǵashqy ustazym - Gúljaına Tórejanova. Ol kisi - meniń aqylshym, danyshpanym, ómirge baǵyttaýshym boldy. Qazirgi kúnde alǵashqy ustazyma dán rızamyn. Men onyń maǵan jaman jol kórsetpegenine jáne týra anyq joldardy kórsetkeninen, onyń aqyldy, parasatty,taza ári adal ekenine kózim anyq jetti. Gúljaına Tórejanova – bardy baǵalap, aınalasyndaǵy jandarmen qarym-qatynasynda da joǵary adamgershilik kórsete biletin, óz jumysyna, bala tárbıesine jany ashyp, asqan jaýapkershilikpen qaraı biletin, adal da  shynaıy, óz isine jaýapty ustazdardyń biri..

Bastaýysh synypta jylap oqyǵan álippem, búgingi kúni maǵan «Ádebıet» degen úlken álemniń esigin ashty. Osy úlken esikke barar joldy ustazym Elmıra Dýlatqyzynan kóp ónege ósıet aldym. Elmıra Dýlatqyzy-oqý úrdisinde oqýshylarmen qarym-qatynas úılesimdilik qurǵan ustaz. Alǵashqy kúnnen bastap sabaqqa degen qyzyǵýshylyǵym oıanǵan bolatyn. Elmıra muǵalim - óz isiniń sheberi. Sebebi, bizge qıyn kezeńderde qol ushyn sozýdan sharshaǵan emes. Ol kisi — altynnan da baǵaly oılaryn, aqyl-keńesin berýge árdaıym daıyn jan. Synyp jumysynan tys tapsyrmalar berip, shyǵarmashylyǵymyzdy shyńdatady.  Ustazymnyń kelbetinen óz mamandyǵyn súıetin muǵalim ekendigin birden túsinýge bolady.

Árbir shákirttiń ózi súıgen, jyldar boıy alǵan tálim alǵan ustazynyń aıaýly beınesi kókirek kóriginde, júrek túbinde saqtalýy zańdylyq. Sebebi, ustaz - balany adam qylyp  tárbıelep, kúlimdegen, seniń júregińe bolashaqqa maqsat qoıa bilýge senim uıalatqan zor tulǵa. Shákirtsiz - Ustaz tul» degen dana halqymyz, bul kúnderi sizdiń izińizdi aldyńyzdan túlep ushqan qanshama shákirtińiz jalǵastyrýda. Bul shyǵarmam - sizderge degen shákirttik rızashylyǵym bolsyn....

№15 M.Jumabaev atyndaǵy gımnazıasynyń oqýshysy Sheri Nazıpa

---