InfoHub Logo

— Qalaısyz, Rýhıa ápke? Sizdi ónerdegi úlgi tutar jandarymnyń qatarynda sanaımyn. Sol sebepti ózińizben suhbattasqym kelip edi, qalaı qaraısyz?

— Shúkir, raqmet ózińiz? Jaraıdy, men kelisemin.

— Kóp raqmet, endi sizge saýaldarymdy joldaı keteıin.

— Siz úshin ómirdiń máni nede?

— Men úshin ómirdiń máni – senimde, otbasyda, arman, maqsatta.

—Aǵylshyn tilin bilesiz be?

— Tolyq sóıleı alamyn dep aıta almaımyn, biraq túsinemin, uǵamyn.

— Sizdiń 2021 jylǵy «Slaván bazary» baıqaýynyń gran-prı ıegeri ekenińiz belgili. Aldaǵy ýaqytta taǵy da osyndaı «Slaván bazary» sekildi konkýrstarǵa qatysý oıyńyzda bar ma?

— Árıne, biraq ta dál qazirgi ýaqytta dál osy, mynaý konkýrsqa qatysamyn dep aıta almaımyn. Sebebi, naqty áli bir sheshimi bolǵan joq.

— Ánshi retinde suraıtynym – án qalaı dúnıege keledi ıaǵnı qalaı jazylady?

— Ár ánniń týyndaýy ártúrli. Kóbine ómirlik jaǵdaılarǵa baılanysty. Iaǵnı, ishki jan dúnıe qandaı, án de sondaı bolyp shyǵady.

— Án dúnıege qalaı keletinin túsindim, biraq jazylýy she? Stýdıada degen sekildi. Kádimgi qaǵazǵa nota bolyp túse me?Álde qalaı?

— Men endi oryndaýshymyn ǵoı. Kompozıtorlar ártúrli bolyp keledi. Keıbireýi qazirgi zamanda dıktofonǵa jazady nemese birinshi aranjırovkadan keıin melodıasyn shyǵarady degendeı. Al, ózimniń daýys jazý tehnıkama keletin bolsam, men ándi jattap, sózin jattap, qaı jerinde qandaı tehnıka qoldanatynymdy oılanyp, solaı jazamyn.

— Án aıtýǵa qyzyǵatyn jastarǵa keńesińiz: Mysaly, men án aıtýǵa 2 jyldan beri qyzyǵyp kelemin. Árıne vokalǵa qatysyp, jattyqqym keledi. Alaıda ázirge vokalǵa qatysýǵa múmkindik joq. Biraq aldaǵy ýaqytta mindetti túrde qatysatyn bolamyn. Al sol vokalǵa qatysqanǵa deıin ánshi retinde qandaı keńester beresiz? Youtube jelisinde vokal jattyǵýlary bar, túrli raspevka sekildi dúnıeler bar. Solarmen jattyǵa turýyma bola ma, álde ándi kóp aıta bergen durys pa?

— Menińshe,eger qazir vokalǵa qatysýǵa múmkindik joq bolatyn bolsa, sapaly mýzykalardy tyńdap, ártúrli vokaldyq koýchtar, trenerler bar Youtube, Instagram jelilerinde. Qazir damyǵan zaman ǵoı. Tyńdap kórip, ázirshe zertteýge bolatyn sıaqty. Sebebi, zerttelip bolǵannan soń, úırengen nárse ol nátıjesin beredi meniń oıymsha.

— Ónerdegi úlgi tutar adamyńyz kim?

— Dál qazirgi tańda úlgi tutar óner adamy ol,álemdik arenadan alatyn bolsaq, Mariah Carey.

— Ónerden bólek ómirdegi úlgi tutar adamyńyz kim?

— Ómirdegi úlgi tutar adamym – ákem.

— Shyǵarmashylyǵyńyzdaǵy jańalyqtaryńyz qandaı?

— Shyǵarmashylyǵymda ázirshe aıtarlyqtaı jańalyqtar joq. Ózimniń vokal stýdıamdy ashpaqshymyn jáne de aldaǵy ýaqytta avtorlyq ánderimdi shyǵaratyn bolamyn.

— Sizge taǵy da kóp raqmet, osylaı kishigirim bolsa da qarapaıym bolyp, suhbatyma kelisip, suraqtarǵa jaýap berip jatqanyńyzǵa. Buıyrsa, Astanaǵa barǵanda ózińizden vokaldyq sabaq alatyn bolamyn. Sizge shyǵarmashylyq tabys tileımin!

— Ia, buıyrsa kelińiz. Kóp raqmet!

Bul suhbat – meniń ónerge degen qyzyǵýshylyǵymnyń aınasy desem, artyq aıtpaǵanym. Iaǵnı ózimniń mýzyka, án salasyna qyzyǵatynymdy jetkizgim keledi. Osy tusta ózime unaıtyn, úlgi eter ánshi ápkemmen kishigirim suhbattasyp, sanamda júrgen saýaldarǵa jaýap aldym. Suhbattyń men sekildi ánge qyzyǵatyn jandarǵa tıtteı de bolsyn paıdasy tıedi degen úmittemin.

Suhbat alýshy: Aqylhan Asylzat (Bolashaq jýrnalıs)

Suhbat berýshi: Rýhıa Baıdúkenova (Ánshi)

---