InfoHub Logo

Armysyz, áz Naýryz!

Maqsaty:
1. Qazaq halqynyń ejelden saqtalyp, atadan balaǵa mura etip qaldyrǵan salt - dástúrin, naýryz meıramynyń mánin túsindirý, ári damytý jáne kórkeıtý.
2. Oqýshylardyń oılaýyn damyta otyryp, oı qıalyn, órisin, izdený negizderin damytý.
3. Oqýshylardy ultjandylyqqa, ımandylyqqa, ınabattylyqqa, halqymyzdyń salt - dástúrin qasterleýge, olardy saqtaýǵa tárbıeleý.
Kórnekiligi: Býklet, sharlar, qanatty sózder, úntaspa, kórme, qazaqtyń úıinen kórinis.

Aıaýlym:
Tyńdańyzdyr, tyńdańyzdyr!
Bosqa qarap turmańyzdar.
Toı dabylyn qaǵyp turǵan,
Munda qaýym dýman bar!
Aqmaral:
Naýryz toıy bastaldy,
Kórgenderde armanda,
Kórmegende armanda,
Qyzyqtan tys qalmańdar!
Bı: «Shashý» bıi – bıshiler toby
Aıaýlym:
Qurmetti ustazdar, oqýshylar, qonaqtar! Naýryz toılaryńyz qutty bolsyn! Ulystyń Uly kúni atalǵan Naýryzda eńbekterińiz ónimdi bop, tilekterińiz qabyl bop, aman - esen toıdan toıǵa jetip, eski aýyrtpalyqtaryńyz eski jylda ketip, jańa jylda, jańa úmit, jańa tirshilikpen, osy ulystyń uly kúninde elimizge, jerimizge Naýryzymyz esigin qýanyshpen ashsyn. Barlyq jaqsy nıet - tilekterińiz qabyl bolsyn! №14 mektep - gımnazıasynyń 8d jáne 9d synyp oqýshylary daıyndaǵan «Armysyz, Áz Naýryz» atty merekelik keshine qosh keldińizder!
Aqmaral:
Naýryz qazaqtyń shyn maǵynasyndaǵy ulttyq meıramy. Naýryzdyń 22 - de kún men tún teńeledi, qys ótip kóktem keledi. Tirshilik bastalady. Qazaq halqy úshin úlken meıram – Jańa jyl Naýryz merekesi. Naýryz meıramy - óte erte zamannan beri halyqtar toılap kele jatqan turmystyq mereke. Ol parsysha «Naý - ryz» jańa kún degen sózinen shyqqan. Kún men tún teńelgen, mal tóldep, adamnyń aýzy aqqa tıgen, jer býsanyp, maldyń aýzy kókke tıgen yrystyń basyn qazaq eli – «Ulystyń uly kúni»- dep ataıdy eken.
Aıaýlym:
Naýryz kelse,
Qut kelgeni halaıyq
Esik ashyp shashý shashyp
El bop qarsy alaıyq.
Shashý shashylady
Aqmaral: Aıaýlym:
Toı perdesin ashaıyq Ulys kúni qazan tolsa,
Toıǵa shashý shashaıyq Ol jyly aq mol bolar.
Toı shashýǵa toıyńdar Uly kisiden bata alsa,
Budan keıin oıyn bar. Sonda oljaly jyl bolar.

Án «Naýryz - dýman» oryndaıtyndar Sveta men Dıana
Aqmaral:
Qosh keldiń jas Naýryz jyldyń basy,
Batańdy ber, jarylqa jyl myrzasy.
Áýmın dep qol jaıdyq áz aqsaqal,
Bata surap ózińnen Qydyr baba!

Qydyr ata:(Sanjar)
Jańa jyl baqyt jyly bolsyn,
Kúnimiz ulysty bolsyn.
Jerimiz yrysty bolsyn
Dastarqanyń mol bolsyn
Abyroıyń zor bolsyn!
Tórt túlik aqty bolsyn!
Ulysty baqty bolsyn
Qaıda barsa jol bolsyn!
Elimiz, jerimiz tynysh bolsyn!
Táýelsizdigimiz berik bolsyn!
Qazaqstan Respýblıkasy básekege qabiletti
50 eldiń biri bolsyn! Áýmın
Aıaýlym:
Qosh keldiń jas Naýryz jyldyń basy
Jurttyń kútken, minekı yqylasy
Kóje quıyp kúıbeńdep basyn asyp,
Bermek árkim barshaǵa qonaqasy.
Án «Qazaqy dastarhan» oryndaıtyndar Sveta, Dıana, Aqerke
Naýryz kóje taratý (qyzdar naýryz kóje taratady)

Aqmaral:
Naýryz kóje – Naýryz meıramynyń sımvoly. Endeshe Naýryz toıymyzdyń
kójesiz sáni bolmas.
Aıaýlym:
Naýryz kójeden dám tatyńyzdar!
Aqmaral:
Naýryz kóje 7 túrli taǵamnan jasalady. onyń máni - jańa jylda toıymshylyq, molshylyq bolsyn degen uǵymdy bildiredi. Naýryz kójeniń quramyna - aıran, sút, qurt, irimshik, sý, tuz, soǵymnan qalǵan súr et t. b taǵamdar qosylady.

Án «Bir bala» oryndaıtyn Baǵdat

Aıaýlym:
Ulystyń uly kúni 22 Naýryz jyl basy. Kún uzaryp, tún qysqaryp, elimiz eljirep, jerimiz jumsaryp Samarqannyń kók tasy erip, kún men tún teńeledi.
Kórinis. Kúnmen túnniń teńelýi

Kún (Ferýza)
Armysyń tún! Barsha jer betindegi tirshilik ıesine tynys aldyryp, jańa álemdegi jańa jas Qazaqstannyń damýyna qosar azamat balasymen tynyshtyqqa qaýyshý baqytyń qutty bolsyn! Ortamyz ózińmen ajarlansyn!

Tún( Dıana)
Armysyń kún! Tylsym tynyshtyqqa jatsam da, jer betindegi tirshilik ıeleriniń tirshiliginen habardarmyn. Óziń aıtqandaı elbasynyń joldaýyndaǵy halqymyzdyń turmys - tirshiligin, ál - aýqatyn kóterýdegi oń qadamdary meniń de qýanyshym, sondyqtan ashyq aspan aıasynda júzderinen baqyt nury tógilgen halqymdy ózińmen qushaq aıqastyra turyp, quttyqtaǵaly keldim. Ekeýi qushaqtasyp tós qaǵystyrady(kóńildi mýzyka oınap turady)

Jer ana shyǵady: ( Marjan ) Ýa halqym, kún men túniń teńelip, ortamyzǵa kelgeni qutty bolsyn! Mende qalyń uıqymnan oıanyp, jan dúnıem býsanyp, ózderiniń yrzyq nesibelerińdi, óndiretin merzimniń kelip jetkenniń habardar etkeli aldaryńa kelip qaldym.

Kún (Ferýza)
Jer ana! tún baýyrym óz uıasyna qonǵaly ózińizdiń ruqsatyńyzdy kútip tur.

Jer ana: ( Marjan )
Aldyń tunyq, tynysyń tynysh bolsyn!
Qazaǵymnyń ár úıinde kúndeletip toı bolsyn! (úsheýi ketedi)

Aqmaral:
Naýryzdy táńir bizge násip etken,
Meıirin tanysyn dep tasyp ótken.
Naýryz - sán - saltanat, ulttyq rýh,
Baqytty naýryzy bar halqym!
Kúı «Balbyraýyn»
Aıaýlym:
Naýryz meıram júrekterge nur sepken,
Mańdaıymnan súıip jatyr kún kóktem.
Jaryǵymen, shýaǵymen kún - ana,
Alyp ketip jer betine gúl kóktem!
Shyǵys bıi oryndaıtyn 7 g synybynyń bıshiler toby
Aqmaral:
Jelpigen aqqý qustyń qanatyndaı,
Baq kelip úılerge qonatyndaı.
Qasıetti naýryz toıy páktiginiń,
Toıy dep aıtýǵa da bolatyndaı. Besikke salý saltynan kórinis
Aıaýlym:
Jyr syılaǵan, nur syılaǵan tirlikke,
Qasterleıik, qadirińdi bildik pe!
Qutty bolsyn Ulys kúni jumyldyrǵan
Bárimizdi yntymaq pen birlikke!
Án «Qazaqtyń jigitteri» oryndaıtyndar Baǵdat pen Nurbolat
Aqmaral:
Qazaq halqynyń tamasha mýzykalyq aspaptarynyń biri – dombyra. Qazaq halqy dombyrada oınap án aıtqan, kúı tartqan. Dombyrada oınaı otyryp kúı aıtysyn jasaǵan.
Kúı aıtysynan kórinis
Aıaýlym:
Al, qane, jastar bastańǵymyzdy bastaıyq. Qazaqtyń kóptegen ulttyq oıyndary bar. Solardyń biri «Saqına salý» oıyny. Qane bastaıyq.
(Jastar jınalady, Aıaýlym saqına salyp júredi.)
Qane, meniń saqınam kimde eken? Ortaǵa shyq! 1 - 2 ret oınatý kerek.
(Dılnaz ustalyp qalý kerek.)
Aıaýlym: Qane aıybyńdy qalaı óter ekensiń?
Dılnaz: Naýryzda án aıtpaı, bı bılemeı ketý aıyp bolar.
Halyq áni «Dedim-aıdy» aıtyp bereıin, qabyl alyńyzdar!
Aqmaral:
Qutty bolsyn Naýryz toı!
Qulpyryp tur ǵoı qyr men oı
Kún men Tún teńeldi
Jer shýaqqa keneldi.
Án «Jylaıdy japyraq» oryndaıtyndar Dıana men Aqerke
Aıaýlym:
Qosh keldiń jańa jyl!
Jańa baqyt jańa nur.
Tórlet tórime jyl basy
Bereke ber elime! Ortaǵa jyl basy ulýdy shaqyraıyq.
Ulý. (Jandar)
Assalaýmaǵaleıkým halqym meniń!
12 jyldy artqa tastap mende aldaryńyzda kelip qaldym. Sońǵy kelgenimde
táı - táı basqan erteńińe senimmen qaraı bastaǵan jas býyn edińizder, endi mine tolyqsyǵan aldyńǵy qatarly 50 eldiń quramyna kirýge umtylǵan basqa memlekettermen terezesi tenelip, básekege qabileti artqan, ózderińizdiń júzderińizdi kórip qýanyp turmyn. elimizdiń erteńi, keleshegi jas jetkinshek ózderińsińder. Salaýatty ómir saltyn ustanyp, jaman ádetten aýlaq bolǵaısyńdar! Jańa jyl sizderge baq bereke, shattyq syılasyn! Jer betinde tynyshtyq álemi buzylmasyn!
Án «Astana» Oryndaıtyn: kvartet
Aqmaral:
Án qosylsyn ánińe,
Sán qosylsyn sánine!- dep ortamyzǵa tazsha bala da kelip qalǵan sıaqty. (Osy kezde Tazsha bala dorbasynyń ishinde nómirlengen asyqty oqýshylarǵa úlestirip beredi. Sodan soń osy asyqtyń nómirin atap, suraqtar qoıady. saıys túrinde ótedi.
№1. Naýryz degenimiz ne?
№ 2. Naýryz týraly qandaı maqal - mátel bilesiń?
№3. Naýryz týraly án nemese óleń aıt.
№4. Jeti qazynany ata.
№5. Jeti ata degenimiz qandaı uǵym? Ataýlaryn ata.
№6. Úsh alysty ata.
№7. Úsh arsyz ne?
№8. Shubat degenimiz ne? Ol qalaı daıyndalady?
№9. Tórt túlikke qandaı janýarlar jatady? Attaryn ata.
№10. Naýryz kóje degenimiz ne? (jaýap bergen oqýshylarǵa syılyq beriledi)
Án «Atameken» oryndaıtyn Nurbolat ( barlyq qatysýshylar sahnaǵa shyǵyp, ánniń qaıyrmasyn birge oryndaıdy )

Júrgizýshiler birge:
Baq darysyn bárińe!
Oı qosylyp oıyńa,
Boı qosylsyn boıyńa!
Aman – esen jeteıik.
Keler Naýryz toıyna!