InfoHub Logo

Armysyń, Jańa jyl! atty mektepaldy daıarlyq tobynyń jańa jyl keshi

Júrgizýshi: (júrgizýshiniń daýysy tys jerden shyǵady)
Tezirek, tezdetip munda jınalyńdar,
Bastalady Jańajyldyq karnaval,
Maska da bar, bı de bar, asyǵyńdar,
Shyrsha janynda qonaqtardy qarsy alyńdar.
Aıazata shaqyrǵannyń biri daǵy qalmaıdy,
Bastalady, bastalady, jańajyldyq karnaval!
Karnavaldyń ıelerin qarsy alaıyq! (Balalar bılep zalǵa shyǵady)

Júrgizýshi: Armysyzdar, aıaýly ustazdar, ata - analar!
Sálemetsizder me, balalar. Sender búgin, sándi kıinip, ádemi bolyp ketipsińder. Myna jerde Jýnglıdiń barlyq ańdary, súıikti ertegilerimizdiń keıipkerleri de jetipti. Al, búgin balalar, qandaı mereke?
Balalar: Jańa jyl!

Júrgizýshi: Balalar, búgin biz jańa jyldy qarsy alýǵa jınaldyq. Kelińder. Sán qurap turyp, qol ustasyp júrip án salaıyq.
Án «Appaq - appaq, japalaqtap...»
Júrgizýshi: Balalar, ortamyzdaǵy ásem ne?
Balalar: Shyrsha!

Júrgizýshi: Shyrshamyz qandaı ádemi! Oıynshyqtary netken kóp! Al, kim bizge shyrshaǵa arnalǵan óleńderin aıtyp berer eken?
Tolǵanaı: Tamasha, tamasha,
Shyrshamyz tur jarasa.
Basynda ásem juldyzy,
Kóz toımaıdy qarasa.

Júrgizýshi: Jaraısyń, qandaı jaqsy taqpaq! Balalar, estidińder me, bireý kele jatyr. Olaı bolsa sol qonaqpen bizder tyǵylyspaq oınaıyq. Kánekı, bárimiz shyrshanyń arǵy jaǵyna tyǵylaıyq. ( Balalar tyǵylady, Aqshaqar keledi)

Aqshaqar: Mektepte balalardyń Jańa jyl meıramyna kele jatyr edim. Endi men qaıda keldim? Osy jańa án estigen sıaqty edim, al endi eshkim joq, qyzyq eken. (Balalardy izdeıdi. Mysyqtyń daýsy shyǵady). Joq ol jerde mysyq eken, ári qaraı izdeıin (jaqyndasa ıttiń daýysy shyǵady). Joq ol jerde ıt eken, ári qaraı izdeıin(Balalardy tabady). Sálemetsizder me balalar! Mekteptiń qasynan ótip bara jatyp ádemi ándi estip qaldym, sizderge meıramǵa keldim.
Júrgizýshi: Sálemetsiz be Aqsha qar! Biz saǵan óte qýanyshtymyz, tórlet. Bizdiń qonaǵymyz bol! Aqshaqar, qarashy qandaı ádemi shyrsha, qanshama oıynshyqtar. Al nege shyrshada shamdar sónip tur?

Aqshaqar: Balalar shyrshamen oınaıyqshy, óz shamdaryn jaqsyn, sóndirsin. Shamdardy jaǵý úshin sıqyrly sózderimizben onyń shamdaryn jarqyrataıyq!
Qýant, bizdi tańyrqat
Shamdaryńdy jarqyrat (3 ret aıtý kerek)

Oıyn: Balalar: Qýant, bizdi tańyrqat
Shamdaryńdy jarqyrat! (qoldaryn shapalaqtaıdy).
Al endi shamdardy sóndireıik, qatty, qatty úremiz. (Balalar úredi, shamdar sónedi) oıyn
1 - 2 ret oınalady.
Aqshaqar: Qandaı sıqyrshymyz bárimiz. Biraq shyrshada shamdar janyp tursyn, sonda ǵana shyrsha ádemi.
(Aıýdyń daýysy shyǵady.)

Júrgizýshi: Mynaý kim eken?
Aqshaqar: Qoryqpańdar balalar, ol aıý. Qysta aıý uıyqtaıdy, al bizder ony oıatyp jiberdik. (Aıýdyń qasyna baryp) Aıý oıan, Jańa jyl keldi. (Aıýdyń daýysy shyǵady). Oıanǵysy kelmeıdi. Aıý, sen Jańa jyldy kórgim keledi dep aıtatyn ediń, tur, Jańa jyl keldi. (Aıý oıandy).

Júrgizýshi: Sálemetsiz be aıý. Bizben oınashy.
Aıý: Sálemetsizder me, balalar, qonaqtar. Sálemetsiz be Aqshaqar. (Kózin ýqalap, aýzyn ashyp, kerilip) men sendermen oınamaımyn, odan da men uıyqtaımyn (shyrshanyń aldyna jatady da uıyqtaıdy).

Oıyn: «Aıýdy oıataıyq». Balalar aıýdyń qasyna jaımen baryp topyldatady. Aıý balalardy qýady da qaıtadan jatady. Oıyn 2 ret oınalady.
Aıý (oıanyp): Aqshaqar, al Aıaz Ata qaıda?

Aqshaqar: Bilmeımin Aıý. Aıaz Atada jumys kóp qoı: shyrshany ádemileý, balalardyń barlyǵyna syılyqtar daıyndaý.

Aıý: Men ormanǵa baryp Aıaz Atany izdep keleıin. (Aıý shyǵyp ketedi).
Júrgizýshi: Aıý men Aıaz Ata kelgenshe Aqshaqarǵa arnap bı bılep bereıik. (Bı: «Ózbek bıi»).

Aqshaqar: Rahmet balalar, qandaı kóńildi, keremet bı bılep berdińder. Al nege Aıaz Ata men Aıý keshigip jatyr. Qanekı balalar, shaqyraıyq olardy.
Balalardyń bári: Aıaz Ata! Aıý! (dep 2 ret aıtqanda, esik ashylady da, sypyrǵyshyna mingen Jalmaýyz kempir júgirip kiredi).
Jalmaýyz kempir: Paı - paı! Men qaıda keldim ózi. Myna shyrshanyń keremetin - aı! Úıge alyp ketsem be eken?/Osy kezde mystan tómenge eńkeıip, shyrshanyń túbirimen julyp alǵysy keledi. /

Júrgizýshi: Mystan kempir!( Mystan oǵan mán bermeıdi de shyrshany julýyn toqtatpaıdy). Biz «Jańa jyl» meıramyn toılap jatyrmyz, tımeńiz bizdiń shyrshamyzǵa!
Mystan sózge mán bermeı, bylaı deıdi: Týý! (Mańdaıdaǵy terin súrtip, turyp.) Myna shyrshanyń tamyrynyń tereń otyrǵyzylǵanyn - aı, julynbaıdy ǵoı. (Sol kezde shyrshadaǵy jyltyraǵan kiltti kórip qalady da:) Mynaý qandaı qyzyq kilt ózi, osy kilt baǵanaǵy meniń ushyp kele jatyp kórgen, sandyqtyń kilti bolar. Sol sandyqtan bip keremet dámniń ıici shyǵyp edi, múmkin aqsha da bar shyǵar. Men shyrshaǵa tımeı - aq, osy kiltti alyp baryp sandyqty ashaıyn, múmkin tamaǵyna toıyp, aqshasyna bip baıyp qalarmyn!
(Jalmaýyz kempip ketip qalady.)

Júrgizýshi: Balalar, Káne toıdy jalǵastyraıyq, Aıaz Ata men Aıý keshikti ǵoı. Múmkin adasyp ketken bolar. Ánimizde shyrqap, atamyzdy shaqyraıyq!

Án: «Shyrsha jyry» jyrlanady (Jańa jyl, jańa jyl)
Eciktiń syrtynan daýystar estilip, ile - shala zalǵa Aıaz Ata men Aıý kiredi.
Aıý: Balalar men Aıaz Atany taptym. Sender shaqyrmaǵanda bizder adasyp ketedi ekenbiz.
Aıaz Ata: Aıaýly analarǵa, ardaqty ul - qyzdarǵa
Búldirshin balalarǵa bip sálem!
Qandaı jarqyn júzderiń,
Qandaı ásem jyrlaryń
Asaýlarmen alysqan,
Asaý jelmen jarysqan
Atalaryń senderge
Sharshap keldi alystan
/Balalarmen amandasady) Rahmet, raqmet balalarym!
Aqshaqar: Sálemetsiz be, Aıaz Ata. Bizder balalarmen oınadyq, bıledik. Al endi balalar sizge bı oryndap beredi. (Bı: «Shyǵys bıi»).

Júrgizýshi: Aıaz Ata! Siz bizdiń balalarǵa syılyqtar ákeldińiz be?
Aıaz - Ata: Árıne, barlyq syılyq myna sandyqtyń ishinde! Aqshaqar sandyqtyń kilti qaıda? (Aqshaqar ıyǵymen bilmeımin degendeı shara jasaıdy.)
Júrgizýshi: Qandaı kiltti surap tursyz? Baǵanaǵy shyrshadaǵy ilinip turǵan kilt pe?
Aıaz - Ata: Iá, sol kilt shyǵar.
Júrgizýshi: Aıaz Ata, ol kiltti mystan alyp ketti. Ol tipti shyrshamyzdy ala ketkisi kelgen.
Aıaz - Ata: Qap, áttegen - aı! Káne, biz Aqshaqar ekeýmiz ony izdep keleıik.
(Osy kezde zalǵa Mystan kiredi.)
Mystan: A - a, bálem! Taptym, sandyq mynda tur eken ǵoı (ony ashaıyn dep jatqanda eriksiz bip kúsh ony artqa qaraı ıteredi)
Aıaz - Ata: Myna urlyqshy munda júr ǵoı. Káne kiltti maǵan ber, balalar syılyqtaryn kútip qaldy.
Mystan: Oıbaı - taǵy, ne deıdi. Syılyq ózime de kerek.
Aıaz - Ata: AH, bálem! Olaı bolsa ózińnen kór. Men ceni qatyryp tastaıyn. Aıaz - Ata: «Káne taıaǵym myna Mystandy qatyryp tasta»
(Mystan kempir turǵan boıynda qatyp qalady.)
Mystan: Áı, Aıaz shal! Keregi joq, qalpyma keltir! Oı, ne ictecem eken.
Aıaz - Ata: Beresiń ba sandyqtyń kiltin?
Mystan: Joq, bermeımin.
Aıaz - Ata: A - a, onda osylaı tura ber. Men kettim.
Mystan: Joq, Aıaz - Ata! Ketpeshi, beremin kiltińdi, tek balalar meniń qoıar tilegimdi oryndasyn, maǵan án aıtyp, bı bılep bersin.

Hor: «Shyrsha jyry»
Bı: «Býratıno»
(Osy kezde mystan qalpyna keledi)
Mystan: Jaraısyńdar, balalar, ándi óte jaqsy aıtasyńdar eken.

Aıaz - ata: Al, endi balalar, myna shyrshaǵa arnalǵan, maǵan, kelgen Jańa jylǵa, Aqshaqarǵa arnalǵan ónerleriń bolsa, aıamańdar!
(Oqýshylar taqpaqtaryn aıtýǵa shyǵady)

Ramazan: Jyldyń ánin bastaıyn,
Aıaz - Ata kep qaldy.
Maıysady jas qaıyń,
Kótere almaı kóp qardy.

Tolǵanaı: Jańa jyl keldi mine jerimizge,
Ákelsin qut bereke elimizge.
Jaqsylyqpen qýanaıyn jyl bolyp,
Qıyndyq jolatpasyn elimizge.