InfoHub Logo

«Jolyń bolsyn, baldyrǵan!» atty mektepaldy daıarlyq tobynyń qoshtasý keshi
Hansha: Qandaı ǵajaıyp álem! (tań qalyp qaraıdy) Biz qandaı elge keldik, aqylshy perishtem?
Perishte: Bul «№5 orta mekteptiń mektepaldy daıarlyq tobynyń» baldyrǵandar eli.
Bul elde óte ádemi, aqyldy, bilimpaz, ónerpaz balalar turady.
Hansha: Oı, qandaı keremet álem.

Perishte: Kórdiń be súıikti hansha meniń sizge jańa ǵana aıtqanym shyndyqqa aınalǵandaı. Men sizge ýáde berip edim ǵoı, eger siz tek ádildik pen adaldyq jolynda júrseńiz men sizdiń tilegińizdiń bárin oryndaımyn dep. Mine men óz ýádemde turdym.
(Osy kezde Shaıtan keledi)

Túlki: O - O men senderdi izdep bar álemdi sharladym ǵoı. Nege maǵan aıtpaı ketip qaldyńdar? Nege aıtshy Hansha, men de seniń dosyń edim ǵoı.

Perishte: Sen Hanshany azǵyrma. Ol tek ádildik pen adaldyqty súıedi. Senimen dos bolǵysy kelmeıdi, sen tek jamanshylyqqa bastaısyń.

Túlki: Iá, saǵan men de Hanshanyń dosymyn. Ótkende ózennen altyn balyq ustap alǵanda Hansha ony aıap qaıtadan ózenge jibere salǵysy keldi. Al, men bolsam Hanshany úgittep 3 tilegińdi oryndat dedim.

1 - shi tilegiń «Men álemdegi eń ádemi hansha bolsam»dep aıt dedim. Ol tilegi oryndaldy.
2 - tilegiń «Men álemdegi eń baı Hansha bolsam»dep aıt dedim. Ol tilegi de oryndaldy.
3 - shi tilekti aıtqaly jatqanda sen kelip kıliktiń Perishte bilesiń be, esińe tústi me?
Perishte: Iá, men keshigip qaldym. Áıtpese 3 tilegin de ádildikpen adaldyq tek ǵana jaqsylyqqa arnatar edim. Tek sońǵy tilekte ǵana «Men álemdegi óte adal, meırimdi, ónerli, bilimpaz balalardyń ómirin kórip ózim de solardan ónege alǵym keledi» degen tilek edi. Mine, sol tilek oryndalyp biz Hansha ekeýmiz «№5 orta mekteptiń mektepaldy daıarlyq tobynyń» baldyrǵandar eline kelip turmyz.

Hansha: Senderge ne bolǵan, qoıyńdar endi. Maǵan sóz beretin túrleriń joq ǵoı. Maǵan Perishteniń aqyly unady. Óıtkeni men osy jasqa kelgenshe mynadaı ǵajaıyp elde bolǵan emespin. Sondyqtan Túlki sen bul ǵajaıypty bizben birge tamashala! Oıyńdy sosyn aıtarsyń.
Túlki: Qup! Mártebeli Hansham Quzyryńa quldyq.

Júrgizýshi: Búgingi erteńgiligimizge «Ertegi áleminiń qonaqtary da kelipti, hosh keldińizder! Tórden oryn alyńyzdar. Qurmetti Hansha menimen birge búldirshinder ónerin júrgizýge basshylyq jasaýǵa qalaısyz? Kelisesiz be?

Hansha: Jaraıdy, kelisemin men de sony qalap tur edim
Júrgizýshi: Búgin bizde mereke, qýanyshta balalar, hosh keldińder, hosh keldińder ata - ana, qonaqtar! Qurmetti ata - analar, qonaqtar! Búgin biz tárbıelegen búldirshinderimizdi mektepaldy daıarlyq tobynan, 1 - synypqa shyǵaryp salǵaly otyrmyz. Kóz aldymyzdaǵy táp - tátti, súıkimdi balaqaılarymyz mektepaldy daıarlyqpen qoshtasqaly otyr. Mektepaldy daıarlyqpen bitirýshi túlekterdi qoshemetpen ortaǵa shaqyraıyq.

Hansha: Maqtanyshy tobymyzdyń Jansaıa – Ramazan
Aqyryn basyp sóıleıdi olar jáı
Júrgizýshi: Semser qylysh bilegi, qınalsa da aıtpaıtyn ótirikti Danıar M - Tolǵanaı
Hansha: Ardaq tutyp úlkenderge, jibekteı minezi bar Mereı
Ata jolyn jalǵamaq jańa beleske bet burǵan Nurbol
Júrgizýshi: Jaman iske jolamaıtyn, dosyn birge júrgen basyp ótpeıtin Dıas - Gúldana

Hansha: Tobymyzda ónerimen tanyldy Mansur - Dılnaz
Júrgizýshi: Óte názik salmaqty Aqbota
Aqylmen is tyndyrǵan, naǵyz nar jigit Azamat
Hansha: Óte zerek, óte jyldam Danıar E - Shuǵyla
Júrgizýshi: Árbir sózi salmaqty Aıbar, aqyl toly sózine, armanyna jetedi Saǵynysh
Hansha: Úlgi etemiz áli biz, jaqsy oqýshy bolady Ernur - Gúlsezim
Júrgizýshi: Bıazy, meırimdi bizdiń Aıana, belsendi aqyldy ul Erasyl
Hansha: Ózi mergen, aqyldy Iman, anasynyń ókpe, baýyr, júregi Arýjan
Júrgizýshi: Aqtaı biler ata - ananyń úmitin, ádil sózdi súıetin Aıdana
Aqyly tegin darıa, anasynyń kóz janary Altynbek
Hansha: Ónerge qaqqan qanatyn, tańdaıyńdy qaǵarsyń eshkimnen kem bolmas Bekarys

Júrgizýshi: Qurmetti «№5 orta mekteptiń mektepaldy daıarlyq tobynyń» kórki de, sáni bolǵan búldirshinderimiz! Búgingi merekelerińiz qutty bolsyn! Bolashaqtaryńyz jarqyn, aspandaryń ashyq, elimizdi órkendeter keleshektiń kemeńgeri bolyńdar demekpin.
Ótti qyzyq kóp kúnder
Alty jasqa endi jettińder.
Barasyńdar mektepke
Bir belesten óttińder!
Aınalaıyn balalar,
Alda Mektep - Ana bar,
Ózderińnen ósedi,
Ónerpazdar, danalar - degendeı mektepaldy daıarlyq tobynyń «Jolyń bolsyn baldyrǵan» atty erteńgiligimizdi ashyp berý úshin jáne merekelik lebizin bildirý úshin sózdi №5 mektep dırektorynyń bastaýysh oqý - isiniń meńgerýshisi Qalı Raýshan Dosymqyzyna bermekpin.
Hansha: Alýǵa tereń bilimdi
Mektepke baǵyt alyńdar
Qutty bolsyn qadamdaryń attaǵan
Biz senderge sátti sapar tileıik
Qýanyshqa ortaqpyz
Qutty bolsyn toılaryń
Hor: Balalyq shaq
Júrgizýshi: Aq tilekti aǵytyp bir tastaıyq,
Qoshtasatyn keshimizdi biz bastaıyq.
Júzderińde kórkem shattyq araıy
Ótsin solaı árbir kúniń, ár aıyń.
Bizdiń «MAD» tobynyń balalary óte erekshe balalar. Ózderi shetterinen ónerpaz, alǵyr, talǵampaz. Búgin shattyqqa toly ómirimen qoshtasyp, endi búgin jańa qadam basasyńdar mektepke, keshegi balǵyn búldirshin kishkentaı ǵana oqýshy atalýǵa daıyn tur.
Hansha: Endeshe, balalarǵa sóz kezegin bereıik.
Tolǵanaı: Qadirmendi apaılar,
Qymbatty apaılar
Aıaýly ata - ana
Hormen: «Jolyń bolsyn baldyrǵan» atty erteńgiligine qosh keldińizder!
Aqbota: Qutty bolsyn qadamdaryń qonaqtar
Bizdiń toıdyń kórermeni bolyńdar
Tamashalap balalardyń ónerin
Marqaıyp, alaqandy soǵyńdar
Azamat: Qýan shattan alaqaı, qýanatyn kún búgin
Daıarlyqty qımaı biz, qoshtasatyn kún búgin
Ramazan:
Mektepke endi baramyz,
Úlgili oqýshy bolamyz.
Jaqsy oqyp sabaqty,
Kileń bestik alamyz.
Altynbek: Bıyl kúzde mektepke
Birinshige barmyn
Maqtanbaımyn men tekke
Daıyn kitap dápterim
Mansur: Ana tilin ardaqtap
Ata saltyn biz kórdik
Sýret salyp, án jattap
Oqyp jazyp úırendik

Júrgizýshi:
Óner dese órilgen
Bıikterden kóringen
Bıshilerdi shaqyrsaq
«Baldyrǵandar» bıimen
«Mektep aldy daıarlyq» tobynyń bıshileri « Baldyrǵandar» bıi.
Danıar M:
Úıretip sóılesýge
Sizden oıym ósedi
Men mektepke baramyn
Balalyq shaq qosh endi

Ernur:
Oqý bilim úıretken,
Ózińizdi qımaımyz.
Jeti jasqa tolamyz,
Qýantyp ata - anany,
Mektepke ketip baramyz!
Dıas: Mektepke endi baramyz,
Oqımyz, saýyq quramyz.
Qashyq emes aramyz
Apaıǵa kelip turamyz.

Shuǵyla:
Mektep bizdiń panamyz,
Mektep bizdiń anamyz.
Ulaǵatty ustazdan,
Oqyp bilim alamyz.
Hanshaıym: Ásem ánmen araılap tań atady,
Bar júrekke nuryn quıyp jatady.
Merekege arnalǵan ásem ánmen,
Danıardy shapalaqtap qarsy alaıyq.
Danıardyń oryndaýynda án: «Shalqarym»

Gúldana:
Biz baqytty balamyz,
Jetilip oı sanamyz.
Tobymyzben qoshtasyp,
Mektepke ketip baramyz.
Bal kúnderdi qıaldap,
Saǵynamyz áli - aq biz.