InfoHub Logo

Maqsaty: Zattardy sany boıynsha salystyrý daǵdylaryn qalyptastyrý.
Bir - biriniń ústine qoıý jáne janyna qoıý tásilin qoldana otyryp, zattar tobyn sanyna qaraı salystyrý. Qarapaıym matematıkalyq uǵymdardy eske túsire otyryp bilimderin pysyqtaý, alǵyrlyqqa, óz oılaryn erkin jetkizýge tárbıeleý.
Kórnekiligi: Úıshik, pishinder maketi, flanelegraf taqtasy, slaıd.
Júrý barysy: Sálemetsizder me, balalar, qaıyrly kún! Kóńil - kúılerińiz qalaı? Olaı bolsa búgingi ashyq oqý qyzmetimizdi ánmen bastasaq. «Sanaý áni»
Men senderge qur qol kelgen joqpyn. Myna sharlardy ala keldim.
- Balalar, bir jylda neshe mezgil bar?
- Qane, atap shyǵaıyq....
Bul sharlardyń túsi de sol tórt mezgildi belgileıdi.
Myna shardyń túsi qandaı?
- Bul shardyń túsi qandaı mezgildi bildiredi?
  Qysta jer qandaı bolady?

  Sary shardy kórsetý. Bul tús qandaı jyl mezgilin bildiredi?
- Jasyl shardy kórsetý. Bul tús shópterdiń túsi sıaqty. Tabıǵat kóktemde oıanyp, jer beti jasyl shópke tolady. Aǵashtar búrshik jara bastaıdy.

- Qyzyl shardy kórsetý. Qyzyl tús qandaı jyl mezgilin bildiredi? Qaı ýaqytta gúlder qyzyl túske boıalady?
- Balalar tústerin bildik endi sıqyrly shardyń ishinde ne ber ekenin bilgileriń kele me? Qane, shardy kim jarady?
- Balalar bizge shardyń ishinde jasyrýǵa jumbaqtar berilgen eken. Jumbaq sheship kóreıik.
1. Shýaq shashqan kúnge uqsaımyn kóbirek, meniń atym......... dóńgelek
2. Barlyq shatyr uqsaıdy tek ózime,
Birden biler qulaq asqan sózime (úshburysh)
3. Teledıdar tanys eken barshaǵa,
  Al pishinim uqsaıdy ǵoı.....(sharshyǵa)
4. Uzartylǵan domalaq.
Sońym joq, basym joq
Endi birde japalaq.
Men jumyrtqamyn, aınamyn
Men osyndaı pishinmin. (sopaqsha)

Durys taptyńdar balalar, Jumbaqqa óte júırik ekensińder.
Ekranǵa nazar aýdaraıyq. (Slaıd boıynsha balalarǵa túsindirý)
Úlken - kishi, joǵary - tómen, uzyn - qysqa, sandar, pishinder týraly bilimderin eske túsirý.
Balalar, sender durys sanaýdy bilesińder me?
Endeshe sandar týraly taqpaqtarymyz bar, tyńdaıyq!
Aımıra
Meni kelse bilgiń,
Men taıaqsha birmin.
Sandarǵa jol bastap,
Eń birinshi turamyn.
Ramazan
Birden keıin turamyn,
Birden keıin turaǵym
Birdi birge qosqanda,
Men shyǵamyn qaraǵym.
Dımash
Ekiden soń árqashan,
Úshinshi men turamyn.
Qaǵazǵa syzyp túsirseń,
Eki ırek salamyn.
Raıana
Úsh qashanda taq sany,
Jup bolǵanǵa ne jetsin.
Tórt degeniń baıaǵy,
Tórt túliktiń aıaǵy.
Aızere
Tórten keıin besti,
Bilý ońaı desti.
Tórteýin búgip sanasań,
Tabasyń ońaı besti.
Sergitý sáti «Ańqaıma, qaıtala»
Qane, dostym ańqaıma,
Menen keıin qaıtala.
Bir - turamyz sozylyp
Eki - eńkeıip, kerilip
Úsh - shapalaq soǵamyz,
Basymyzdy shaıqaımyz,
Tórt dese qol kóterip,
Bes dese qol bulǵaımyz.
Balalar, sender ertegi tyńdaǵandy unatasyńdar ma?
Qandaı ertegiler bilesińder?
Endeshe, myna úıshikte «Úıshik» ertegisindegi tyshqan otyr eken. Onyń senderge birneshe tapsyrmasy bar. Oryndaýǵa daıynsyńdar ma?
1 - tapsyrma
Etikter jyrtylyp qaldy, endi olardyń ár qaısysyna sáıkes keletin jamaýdy tabýymyz kerek. Ol úshin pishini jaǵynan etiktiń jyrtyǵyna sáıkes keletin jamaýdy sáıkestendirip ornalastyr.
2 - tapsyrma
Qaryndashtyń biri Maqsatta, ekinshi Ǵabıtte. Balalardyń qolynda neshe qaryndash bar? Jaýabyn sıfrmen kórset
3 - tapsyrma
«Sebetke jına»
Qoıannyń birneshe sábizderi bar, al kirpiniń almalary bar. Sender, qoıannyń sebetine sábizderdi, kirpiniń sebetine almalardy salýlaryńyz kerek. Biraq olardyń sany sebet syrtyndaǵy sanǵa sáıkes bolýy qajet.
4 - tapsyrma
«Neniń balasy?»
Taqtada janýarlar jáne olardyń balalary ornalasqan. Sáıkesinshe ár janýardyń balasyn qasyna qoıý qajet. Qaısysy úlken, qaısysy kishi ekenin ajyratyp aıtyp ber. Mysaly: ıt úlken, al kúshik kishkentaı.
5 - tapsyrma
«Ornyn tap»
Ózendegi sýdyń tómengi jaǵyna balyqtardy ornalastyr. Al tasbaqany sýdyń joǵarǵy jaǵyna ornalastyr.
Qorytyndy:
Balalar, búgin qandaı tapsyrmalardy oryndadyq, qane, esimizge túsireıik.
Biz endi pishinderdi bilemiz. (Birge qaıtalaý)
1 - den 5 – ke deıin týra jáne keri sanaımyz. (Birge qaıtalaý)
Jyl mezgilderin bilemiz.
Apta kúnderin bilemiz.
- Jaraısyńdar, balalar, endeshe búgingi oqý qyzmetten alǵan áserimizdi kórseteıikshi. Bárimiz kelgen qonaqtarmen qoshtasaıyq.
Kóriskenshe kún jaqsy,
Saý - salamat bolaıyq!

Atyraý qalasy, "Zeınep-Amına jáne balapandar" bóbekjaı-balabaqshasy
Eresek top tárbıeshisi: Jýmagalıeva Maıa Kýangalıevna
QMUQ, ashyq oqý qyzmeti "Ártúrli zattar túrin toptaý"