InfoHub Logo

Kópshiligimiz boıymyzdaǵy asyl qasıetterdi baıqamaı, ómirden baz keship jatamyz. Synaqtardy sabyrmen jeńý úshin de, bıikterdi baǵyndyrý jolynda ter tógý úshin - ózimizdi sheksiz súıýge tıistimiz. Endeshe oıyńyzdaǵy keselderden arylyp, myna keńesterge qulaq asyńyz:
1. Pozıtıvti kóńil - kúıde bolyńyz.
Eshkimge sizdiń erekshelikterińizdi sóz etýge jol bermeńiz jáne ózińizdi ózgemen salystyrýdy doǵaryńyz. Myna úsh nárseni umytpaǵanyńyz abzal:
♡ Óz - ózińdi súıý
♡ Jeke tulǵa retinde seziný
♡ Boıyńyzdaǵy qundylyqtardy uǵyný
2. Álemge shýaq shashyńyz.
Eger jaqyn tanysyńyzdyń keremet qasıetterin ańǵarsańyz, oǵan mindetti túrde maqtaý aıtyńyz. Sebebi, sóz - júrekti jadyratyp, alasqa jeteleıdi. Jaqsylyq jasaýdan jalyqpańyz.
3. Keri oılaýshylardan qol úzińiz.
Olarǵa jeke ómirińizge aralasýǵa jol bermeńiz. Aýyrtpalyqtan sabaq alyp, alǵa jyljyńyz.
4. Ózińizge ýaqyt bólińiz.
Ózin baǵalaıtyndardyń qatarynan tabylǵyńyz kelse, túrli tosqaýyldar men máselelermen biraz ýaqytqa qoshtasyńyz. Ózińizdi retke keltirip, demalǵanyńyz jón.
5. İshki túısigińizge qulaq asyńyz.
Óz - ózin súıý - negatıvti oılardy elemeýden bastaý alady. Senimsizdikten arylyńyz.
6. Adamdarmen qatynasta belgilegen meje qoıyńyz.
Sizdi paıdalanǵandarǵa ekinshi múmkindik bermeńiz.
7. Kóńil - kúıińizdi ýysta ustańyz.
Jeke emosıalaryńyz qashan da qarym - qatynasta kedergi keltirmeýi kerek.
8. Sizdi baqytqa bóleıtin ıakı shabyttandyratyn ispen aınalysyńyz.
Aınalasyna jaqsy qyrynan tanylyp júrgen jandarmen tanystyqty kúsheıtińiz. Jalǵyzdyqta qalmańyz, qyzyǵýshylyǵyńyzǵa den qoıyńyz.
9. Jeke grafıka boıynsha úzilis jasańyz.
Júzýge jazylyńyz ne bolmasa teńizge saıahattańyz. Teńiz tolqyny men saıaly baq - esten ketpes sát syılaıdy. Aǵzaǵa demalys jasaısyz, qorqynyshtan qutylasyz.
10. Medıtasıamen áýestenińiz.
Internet jelisinen osy jóninde aqparat alyp, keminde jarty saǵatyńyzdy medıtasıaǵa arnaǵanyńyz jón.
Ózińizdi baǵalańyz!