InfoHub Logo

Qazaq jeri áýlıe-ánbıeler qurmetine turǵyzylǵan mazar, kúmbez, kesenelerge baı. Sońdaı kesenelerdiń biri — Qyzylorda oblysy Shıeli aýdanynyń «Jeti áýlıe» qorymyndaǵy Asan ata kesenesi. Ol el aýzynda Asan Qaıǵynyń mazary delinedi. Asan Qaıǵy XIV ǵasyrdyń sońy — XV ǵasyrdyń basynda ómir súrgen aqyn, jyraý ári bı retinde tanylǵan tulǵa. Qazaqtyń alǵashqy handary Kereı men Jánibektiń aqylshysy bolǵan.

Halqynyń qamyn oılap, kúńirengen ony halyq Asan Qaıǵy dep atap ketken. Asan Qaıǵy jeti jyl eline jaıly qonys izdep, qazaq jerin túgel sholyp shyqqan. Kóptegen jerlerge óziniń syn, baǵasyn bergen. Asan Qaıǵyny halyq qadir tutyp, qabiriniń basyna eskertkish-kesene turǵyzǵan. Ǵasyrlar boıy saqtalǵan kesene sáýlet óneriniń tamasha týyndysy retinde belgili. Kesene kúıdirilgen qyzyl kirpishten bıiktigi 7,60 m etip salynǵan. İrgelikten 3 m joǵary kirpishterdi tiginen órip, beldeý jasaǵan. Asan ata kesenesi 1982 jyldan memleket qorǵaýyna alyndy.

---