InfoHub Logo

1723 jyly kóktemde jońǵarlardyń qalyń qoly qazaq dalasyna 7 túmen áskermen basyp kiredi. Shapqynshylar beıbit eldi qyryp-joıyp, jeri men mal-múlkin tartyp alýdy kózdegen edi. Qystaýlary bir-birinen alshaq ornalasqan, qystan júdep shyqqan qazaqtar qapyda qalyp, qyrǵynǵa ushyraıdy. Uly júz ben Orta júz Syrdarıadan ótip, Hodjentke, al Orta júz rýlarynyń kópshiligi Samarqandqa kóshedi. Kishi júz Hıýa men Buharaǵa jyljıdy. Keıbir taıpa-rýlar Qyzylqum, Qaraqumǵa ótedi.

Tarıhta bul oqıǵa «Aqtaban shubyryndy, Alqakól sulama» dep atalady. Shapqynshylyqtan, ashtyqtan qazaq halqy úshten eki bóliginen aıyryldy. Osy kezeńdegi halyqtyń tartqan qasiretinen «Elim-aı» áni ómirge kelgen.

1726 jyly qazaqtyń úsh júziniń ókilderi Ordabasy taýynda bas qosady. Quryltaıda ár rýdyń bıleri, dańqty qolbasshylary men batyrlary jaýǵa birlesip soqqy berýge sheshim qabyldaıdy. Sóıtip, qazaqtar kelesi jyly jońǵarlarǵa qarsy shabýyl jasap, olardy qazaq jerinen yǵystyra bastaıdy.

---