InfoHub Logo

Maqsaty:
Bilimdilik - qazaq halqynyń tuńǵysh ǵaryshkeri, batyr azamaty Toqtar Áýbákirovtiń ómir joly, týyp ósken, oqyp bilim alǵan, qyzmet etken jerleri týraly maǵlumat berý; Oqýshylardy ǵaryshkerlermen tanystyrý, úlgi etý, batyr ǵaryshkerler erligine tereńirek úńile otyryp oqýshylardyń oı - órisin, bilimin jetildirý.
Damytýshylyq: Óleńder oqý, bı bıleý, ánder aıtý arqyly oıyn damytý.
Tárbıelik: Otanyn, elin, jerin súıýge, qorǵaýǵa baýlý, erlikke, batyl bolýǵa tárbıeleý. Óz eliniń patrıoty bolýǵa tárbıeleý.
Qoldanylǵan ádis - tásilder: óz betimen jumys, madaqtaý ádisi, shyǵarmashylyq izdenis.
Pánaralyq baılanys: mýzyka, qazaq tili, ádebıet, Qazaqstan tarıhy
Tanymdyq baǵyty: Oqýshynyń oılaýyn, qabyldaý, túısiný áreketterin jetkizý, shyǵarmashylyq qabiletterin arttyrý, patrıottyq ándi júregimen sezine otyryp, naqyshyna keltire oryndaý, ǵaryshkerlerge degen jas urpaqtyń elikteýshiligi men elge degen qamqorlyq sezimin arttyrý.
Ótiletin formasy: jarys
Kórnekiligi: Plakattar, sýretter, qanatty sózder, sharlar
Kútiletin nátıje: Oqýshylardyń ózindik pikirin qalyptastyrý, shyǵarmashylyq múmkinshiligi men qabileti damyǵan bolashaq tulǵa. Elin, jerin súıetin, eljandy tulǵa qalyptastyrý, ándi júregimen súıetin tyńdarmandy daıarlaý.

Barysy
(Birinshi oqýshylar bastaıdy)
Nur: Samat sen bolashaqta kim bolǵyń keledi?
Samat: Toqtar aǵam sekildi ǵaryshker bolǵym keledi. Sen she?
Nur: Men de aspanǵa órlegen alyp ǵaryshker bolǵym keledi
Samat: bizge ǵaryshker jaıly kóp maǵlumat bilý qajet
Nur: árıne endeshe aspan álemine saıahat jasaıyq
Samat: Jaraıdy.
Ekeýi qosylyp: Ǵaryshkerler merekesi qutty bolsyn!
Bı: Polka

Muǵalim: Armysyzdar qurmetti jınalǵan qaýym! Ǵaryshkerler kúni qutty bolsyn! Bizdiń búgingi «Aspan álemine saıahat» taqyrybyndaǵy tárbıe saǵatymyz 2 bólimnen turady. Birinshi bólim óleńder men án bıden quralsa 2 - bólim jarys túrinde ótkiziledi. 1991 jyl 2 – qazan 70 jyldan astam ýaqyt boıy Keńes ókimetiniń qaramaǵynda bolyp, bir azamatyn ǵaryshqa ushyrýǵa zar bolǵan qazaq halqynyń armany oryndalyp, aq túıeniń qaryny jarylǵan kún edi. Otyz jyldan astam merzim ishinde mıllıondaǵan Alash azamatynyń arasynan bir ǵaryshkerdi ushyra almaǵan halyqtyń eńsesi túzelip, júzine qan júgirdi, júregindegi úmit sáýlesi jarqyraı tústi. Qazaq halqynan alǵash ret ushyrylǵan Toqtar Áýbákirov bolatyn.

1 - oqýshy
Qazaqtyń tuńǵysh ǵaryshkeri, KSRO - nyń 71 - ǵaryshkeri álemniń 256 - ǵaryshkeri. Toqtar Áýbákirov 1946 jyly 27 - shildede Qaraǵandy oblysy Qarqaraly aýdanynyń Birinshi maı aýylynda týǵan. Sarytaýdyń etegin meken etken ákesi Ońǵarbaı, sheshesi Qamıa birinen soń biri shetineı bergen toǵyz ulynyń Alla jaratqan jalǵasyna úmit artyp, azan shaqyryp «Toqtar» dep at qoıypty.

2 - oqýshy
KSRO - d tuńǵysh ret 1988 jyly T. Áýbákirov «Mıg - 31» samoletimen Soltústik polús aýdanyna ushyp, qaıtar jolda samoletine janarmaıdy aýada quıǵyzyp oraldy. Sol úshin oǵan «Keńes Odaǵynyń batyry»ataǵy berildi.
3 - oqýshy: «Janym birge senimen»
Arýaq!- dep aıqaı saldyq qýanyp,
Ushqanda Toqtar batyr tý alyp.
Otyz jyldan ketken sátim kelgende
Kesh bolsa da máz bolyp qaldym qýanyp.
Júrgen jeri uly oıshyl Qanyshtyń,
Toqtarym júr qushaǵynda ǵaryshtyń,
Elmen el bop qatarlasyp bul kúni,
Qazaq halqy bar álemmen tanystyń.
Tatóleý Asqar
Muǵalim:
Kómeıinen án tógilgen,
Jyrǵa bólep dalany.
Qyzymyz shyqty sahnaǵa,
Tamsandyryp barshany.
Án: «Qanekı tilim sóıleshi»

4 - oqýshy
Saıra bulbul kómeıden án tógilsin,
Jyrǵa bóle dalanyń ár tóbesin.
Baıqońyrdan tik ushqan Toqtar aǵam
Kóterdi qazaǵymnyń mártebesin.
Án: «Sálem saǵan týǵan el»

Sózjumbaq
1) Eki márte Keńes Odaǵynyń Batyry (Talǵat)
2) Qazaqstandaǵy kosmodromnyń aty. (Baıqońyr)
3) Toqtardyń anasynyń esimi. (Qamıa)
4) Juldyzdar júıesiniń atalýy (Galaktıka)
5) Toqtardyń jarynyń esimi (Tatána)
6) Toqtardyń ákesiniń aty. (Ońǵarbaı)
Muǵalim
Bı bıleıtin ónerli,
Jigitter bar bizderde.
Tań qaldyryp barshany.
Kóteredi kóńildi.
Bı bılenedi
Muǵalim: Jaraısyńdar oqýshylar endigi ekinshi bólimge kezek bereıik. Ekinshi bólim aty Kim júırik? Dep atalady. Jarys túrinde ótiledi. Úsh komanda jarysady. Alǵa ozyp shyqqan júırikterimizge ádil qazylar alqasynyń sheshimi boıynsha maqtaý qaǵazdary beriledi. Endeshe iske sát oqýshylar!
Birinshi bólim. «Tanysaıyq qanekeı» dep atalady ár komanda ózderin tanystyryp ótedi.
1 - top «Oıshyldar» 2 - top «Alǵyrlar» 3 - top «Tapqyrlar»komandasy
Ekinshi bólim «Oılan da bil sóz syryn» dep atalady. Esh qaımyqpastan aspanǵa órlegen batyr ǵaryshkerler qurmetine naqyl sózder maqal - mátelder aıtamyn sizder jalǵastyrasyzdar
1 - top. Oıshyldarǵa
At basyna kún týsa,
Aýyzdyqpen sý isher.
..................................
.................................

Erdiń erlgi erinen tanylar,
..............................................
2 - top.
Erlik - eldiń qasıeti,
................................

Erdiń ataǵy týyrlyqtaı,
........................................
3 - top. Tapqyrlar
Alystan erdiń dárpi bar,
Qasyna kelseń baladaı.
........................................
Baq - baq etken tekeni,
Qar jaýǵanda kórermiz
Batyrsynǵan jigitti
.................................
Úshinshi bólim «Ózińe upaı al jınap» dep atalady. Taqtada ilinip turǵan uıashyqtardyń bireýin ashasyńdar suraqtar deńgeıi kórsetilgen bal boıynsha bolady. Ashqan uıashyqtarǵa jaýap beresińder. Uıashyq baly óz qorjyndaryńda saqtalady.
20 upaı: Toqtar Áýbákirov qandaı ordenmen marapattaldy? Qandaı ataqtar berildi?
20 upaı: Toqtar Áýbákirov áıgili fırmada 14 jyl boıy synaqshy - ushqysh bolady. Suraq: Toqtar qaı fırmada jumys jasaǵan?
30 upaı: Toqtar Áýbákirovty eki jyldyń ishinde neshe ret «Keńes Odaǵynyń batyry» ataǵyna usynǵan?
30 upaı: Jer men aıdyń ara qashyqtyǵy shamamen qansha?
40 upaı: Ǵaryshkerlerdi ashyq ǵaryshqa shyqqanda kún kózinen bólinetin zıandy sáýlelerden shań tozańdardan birneshe qabat tigilgen skafandr saqtap qalady. Suraq: Skafandrdy qandaı jasandy matadan tigiledi? jáne neshe túrli?
40 upaı: Eń áıgili ǵaryshtyq «Habbl» teleskobyn jer mańyndaǵy orbıtaǵa ǵarysh qaıyǵy arqyly neshinshi jyly shyǵarǵan?
Tórtinshi bólim «Oılan qane balaqaı»dep atalady.
Taqtada ilinip turǵan sharlardy jarý arqyly ishindegi tapsyrmany oryndaýlaryńyz qajet.
1 - shar
Marat esh oqýdan súımeıtin edi.
Marat: Túý osy oqý degendi kim shyǵardy eken, odanda tez ósip ǵaryshker bolsam eken,- dedi de qolyndaǵy kitapty laqtyryp jiberdi.
Ony estigen Toqtar aǵa oǵan qarap:
Óz armanyńa qol jetkizgiń kelse bilim al, oqý úıren dedi de basynan sıpap qolyna kitap usyndy. Ony oqyp qyzyqqan Marat: Kitapqa úńile qarap kitapty qushaqtap
- Rasymen de maǵan jol silteıtin osy kitaptar eken dedi. Osy aıtylǵan is - áreketti oryndaı otyryp kórinis qoıyńyzdar.
2 - shar
Ǵaryshkerge baılanysty 1 shýmaq óleń shyǵaryńdar. Ándi top bolyp oryndańdar.
3 - shar
Ǵaryshkerlerge baılanysty sózdi qurastyr
Aaıkvtnarost jáne anyqtamasyn aıt.
Muǵalim: Minekı, balalar kózdi ashyp jumǵansha saıysymyz da óz máresine jetti. Júırikterdi saralar ádil - qazy alqalaryna sóz kezegin usynamyz.
Muǵalim: Jeńimpazdarymyzdy shyn júrekten quttyqtaı otyryp, keshimizge qatysqan qonaqtarymyzǵa alǵysymyzdy bildiremiz. Qosh saý bolyńyzdar!