InfoHub Logo

Taqyryby: Astana – birlik pen táýelsizdigimizdiń rámizi
Maqsaty: Bilim deńgeıin kóterý, jetildirý, shyǵarmashylyq belsendilikterin arttyrý.
Oqýshylardyń jan – jaqty bolýy, otansúıgishtikke tárbıeleý, salt - dástúrimizge úıretý, ádeptilikke tárbıeleý.
Oı – órisin, oılaý qabiletin damytý, etıka - estetıkalyq talǵamdaryn arttyrý, dúnıetanymyn keńeıtý.
Tárbıe saǵatynyń túri: Saıys saǵaty.
Qatysýshylar: 3 - 4 synyp oqýshylary
Qurylymy: 4 – bólimnen turady.
Kirispe: Qurmetti qonaqtar, muǵalimder, jáne oqýshylar! 1 - qyrkúıek Bilim kúni jáne Konstıtýsıa kúnine oraı uıymdastyrylǵan «Astana birlik pen táýelsizdiktiń rámizi» atty tárbıe saǵatymyz ashyq dep jarıalaımyn.

İ – bólim. ☺Oı sergitý☺
1 júrgizýshi
Astana jas táýelsiz memlekettiń tarıhyna óz altyn betin jazyp úlgerdi. 90 - jyldardyń ortasynda Elbasy Nursultan Nazarbaev eshkim kútpegen jerden ońtústikte ornalasqan Almaty qalasynan respýblıkamyzdyń qaq ortasyna astanany aýystyrý týraly sheshim qabyldady. Sóıtip Qazaqstannyń jańa elordasy Astananyń halyqaralyq tusaýkeseri 1998 jylǵy 10 - maýsymda ótkizildi. Kúnnen – kúnge gúldenip, ósip - órkendep kórkeıgen ásem qala nebári bir jyldyń ishinde, dálirek aıtsaq 1999 jyly shilde aıynda elordamyz IýNESKO – nyń «Álem qalasy» syılyǵyna ıe boldy.
Kók baıraǵy búgingi urpaq jalaýy,
Bul belgimiz – bar halyqtyń qalaýy
Jer júzinde jelbiresin qashanda
Sharyqtasyn Qazaqstan jalaýy.
1 – júrgizýshi:
Sonymen qatar etek – jeńin jıyp, egemendigin alǵan Qazaqstannyń Ata Zańyna 16 jyl tolyp otyr. Bárimizge belgilili tym áriden bastasaq Qorqyt babamyzdyń konstıtýsıasy «Adat» dep atalsa, Shyńǵys hannyń «Uly josysy» - Hİİİ. ǵ, budan keıin Qasym hannyń «Qasqa joly» - HİV. ǵ, «Esim hannyń Eski joly» - HV. ǵ, Táýke hannyń «Jeti jarǵysy» - HVİ. ǵ boldy.
Al qazaq memleketiniń tarıhynda 5 Konstıtýsıa boldy. Olar QASSR - nyń 1924. j, qazaq KSR - niń 1937 jáne 1978 jyldaǵy konstıtýsıalary, Qazaqstan Respýblıkasynyń 1993, 1995 jyldaǵy konstıtýsıalary.
Ata Zańym!
Arman ánim!
Senen asqan bar ma baǵym!
Jalǵyz saǵan baılanysty
Elimde erkin samǵaǵanym.
Ata Zańym!
Bar muratym!
Jalǵyz kıe jandy uǵatyn.
Jansaq bassań jolǵa salyp,
Táýbańdy eske aldyratyn.
Ata Zańym!
Kemeńgerimİ – dep aqyn jyrlaǵandaı osynaý búgingi tárbıe saǵatymyzdyń oı sergitýinen keıin egemen elimizdiń elordasy Astana men Ata Zańymyzdy ushtastyra otyryp saıyskerlerdi ortaǵa shaqyramyn.

İİ – bólim «Kim tapqyr!»
(Ár topqa 2 suraqtan.)
1. Urlyq túbi...... (qorlyq)
2. Bireýge or qazba...... (óziń túsesiń)
3. Zańnyń quryǵy....... (bárinen uzyn)
4. Ótirikshiniń quıryǵy......... (bir - aq tutam)
5. Týra bıde......... (týǵan joq)
6. Qolyńmen istegenińdi..........(moınyńmen kóter)

İİİ – bólim. «Men Astanamdy jyrlaımyn!»
(Ár toptan bir oqýshy astana taqyrybyna óleń oqıdy)

İV – bólim «Bilekti birdi, bilimdi myńdy jyǵady!»
(suraq – jaýap bólimi)
1. Ata Zańymyz neshe bólikten, neshe baptan turady?
2. Dúnıe júzinde qansha qazaq bar?
3. Azamattyq degenimiz ne?
4. Ata – ananyń mindeti ne?
5. Qazaqstan Respýblıkasynyń rámizderin ata?
6. QR Zań shyǵarý qyzmetin júzege asyratyn eń joǵarǵy ókil?
Án oryndalady: Astana.
Saıysqa qatysqan toptardyń upaı sany esepteledi, marapattalady.
Sońy: Armanyma arqaý bolǵan Astanam,
Kókke qaraı qanat jaıa bastaǵan.
Dál osylaı júrekterde saqtalsa,
Otanym dep turary anyq jas balań.
Báıterek tur kókke tirep tóbesin,
Tanytqandaı sulýlyqtyń tóresin.
Elim – tynysh, jerim – aman bolsa eger,
San myń jyldar jańa tańyn kóresiń.
Árqashan da tarylmasyn qulashyń,
Kúnge qaraı moıynyńdy burasyń
Kórkem sulý kelbetińnen árdaıym,
El esinde máńgilikke turasyń.
Ushtastyryp jer men kóktiń arasyn
Kúnnen - kúnge sulýlanyp barasyń.
Pana bolǵan qutty meken - Astanam!
Qazaǵyma qasıetti qalasyń.
Bárimiz birge: Táýelsizdigimizdiń tiregi, elimizdiń júregi Astanamyz asqaqtaı bersin!