InfoHub Logo

Taqyryby: Dına «Ásemqońyr»
Sabaqtyń maqsaty: Kúıshiniń ómirbaıany, kúıleriniń shyǵý tarıhymen tanystyrý
Bilimdilik: D. Nurpeıisovanyń «Ásemqońyr» kúıin úırete otyryp, ulttyq ónerdiń qundylyǵyn nasıhattaý, kúı oınaý qyzyǵýshylyǵyn oıatý.
Damytýshylyǵy: jas tulǵanyń oınaý sheberligin arttyryp, este saqtaý qabiletin jáne saýattylyǵyn jetildirý damytý.
Tárbıelik: Dınanyń kúıleri arqyly onyń tárbıelik mańyzyn jetkizý, oryndaýshylyq dástúrin odan ári damytýǵa tárbıeleý.
Sabaqtyń túri: dástúrli sabaq.
Kórnekilik: Kúıshi sýreti, aspaptar, notalar, úntaspa beınebaıan.

Sabaqtyń barysy:
İ. Uıymdastyrý bólimi: (Sálemdesý jýrnal belgileý, aspaptardy daıarlaý)
İİ. Úı tapsyrmasyn tekserý: Qazanǵaptyń kúıi «Kókil». Oqýshy kúıdi jatqa oınap, jetkizý. Suraq - jaýap arqyly úı tapsyrmasyn bekitý.

İII. Jańa sabaq: Dınanyń kúıi «Ásemqońyr» Nurpeıis kelini Dına - qazaqtyń áıgili kompozıtory 1861 jyly Beketaı qumy, Jańaqala aýdanynda dúnıege kelgen. Dına jas keziniń ózinde aq Daýletkereı, Túrkesh, Esjan, Baıjuma sıaqty kúıshilerdiń kúıin naqyshyna keltire tartyp, tóńiregi «dombyrashy qyz» dep ataǵan. Qarshadaı qyzdyń dańqyn estip, áıgili Qurmanǵazy arnaıy izdep kelgen. Ol Dınanyń dombyra tartysyna súısinip, bolashaǵynan úlken úmit kútip, batasyn berip dombyra tartýdyń tereń syrlaryn úıretken. Dınanyń kóptegen kúıleri bar «Ásem qońyr», «Jeńis», «Ana buıryǵy», «Toıbastar» t. b. Dına ájemiz týraly beınebaıandy tamashalaıyq. Sol kúılerdiń ishinen biz «Ásemqońyr» kúıin úırenemiz. Dına bul kúıinde balalardyń alańsyz bal dáýren shaǵyn, shat - shadyman ómirin qyzy Qońyrǵa arnalǵany belgili. Sol Qońyrdyń on bir balasynyń biri Baǵıla Bıshaeva búginde Oral qalasynda turady. Kúı Qurmanǵazy atyndaǵy halyq aspaptary orkestriniń oryndaýynda keńinen málim. Qazir biz sol orkestrdiń oryndaýynda «Ásemqońyr» kúıin tyńdaımyz. Tyńdap bolǵasyn kúıdiń qurylysymen tanysamyz.

1. Kúıdiń ekpini – ortasha ekpinde, tereń sezimmen.
2. Ólshemi 2/4
3. Qaǵysy. P P P P/ P P V P V P/ PPVV
4. nota uzaqtyqtary: segizdik, tórttik, on altylyq.
5. Kilttik belgide fa#
6. lıga belgisi, pýnktırli yrǵaq.
Lıga degenimiz ne? Pýnktırli yrǵaq degenimiz ne?
Lıga qoıylǵan notalardy dombyrada oryndaýdyń negizgi ádisterin oqýshyǵa jattyǵýlar arqyly túsindiremin.
Kúıdi oqýshy notamen sanap oınaıdy. Kúıdi úlken saǵaǵa deıin taldap, oınatyp, oqýshyǵa úıretemin. Kúıdi birneshe ret qaıtalap pysyqtap jańa sabaqty qorytyndylaımyz.
Sabaqty bekitý:
----------------«Toıbastar» «Kókil» «Aqsaq kıik» «Qudasha» Oqýshy jazady
Qazanǵap
Dına
Qurmanǵazy
Dáýletkereı
N. Tilendıev

1. Búgin kim degen kúıshimen tanystyq, qandaı kúıleri bar?
2. Dınaǵa dombyra tartýdyń tereń syrlaryn úıretken kúıshi kim?
3. «Ásemqońyr» kúıi qandaı ekpinde oryndalady?
Sabaqty baǵalaý: Oqýshyny baǵalaý.
Qorytyndy: Búgingi sabaǵymyzda uly kúıshi Qurmanǵazynyń shákirti, Qurmanǵazynyń kúılerin búginge jetkizgen Dına ájemizdiń ómiri men shyǵarmashylyǵymen tanysyp, «Ásemqońyr» kúıin úırendik. Endigi kezekte senderdeı daryndy oqýshylarymyz osy kúıshilik dástúrimizdi ári qaraı jalǵastyrady degen senimmen sabaǵymyzdy aıaqtaımyz.
Úıge tapsyrma: Kúıshi týraly mánjazba jazyp kelý. Kúıdi jáı ekpinde oınap kelý