InfoHub Logo

Astana qalasynyń Bilim basqarmasy Astana qalasy ákimdigimen kelisip belgilengen, qysqy kezeńdegi aýa-raıynyń qolaısyz jaǵdaılaryna baılanysty qala boıynsha bilim mekemelerindegi (jalpy bilim beretin mektepter, kolejderdiń 1-2 kýrs stýdentteri úshin) sabaqty toqtatý parametrlerin usynady. 

Bul týraly astana.kz habarlady.

Bilim basqarmasynyń habarlaýynsha, balalardyń qaýipsizdigi men densaýlyǵyn saqtaý maqsatynda, bilim mekemelerinde sabaqty toqtatýdyń parametrleri:

 - 1-4 synyptarda aýanyń temperatýrasy mınýs 25 gradýs jáne odan tómen bolǵanda (atmosferalyq aýanyń temperatýrasy jeldiń jyldamdyǵyna sáıkes);

- 1-9 synyptarda aýanyń temperatýrasy mınýs 30 gradýs jáne odan tómen (atmosferalyq aýanyń temperatýrasy jeldiń jyldamdyǵyna sáıkes) bolǵanda;

 - 1-11 (12) synyptarda, kolejderde (1-2 kýrs stýdentteri) úshin aýanyń temperatýrasy mınýs 35 gradýs jáne odan tómen (atmosferalyq aýanyń temperatýrasy jeldiń jyldamdyǵyna sáıkes) bolǵanda;

Aıta ketý kerek, eger jeldiń kúshi 15-20 m/s bolǵanda aýa temperatýrasy kúsheıedi (qatty jel, boran, kórý deńgeıiniń tómendeýi).

Sabaqty toqtatý týraly aqparatty 6.45-ten 7.00-ge deıin (birinshi aýysym) jáne 11.15-ten 13.00-ǵa deıin (ekinshi aýysym) kelesi aqparat kózderinen ala alady:

- Smart Astana mobıldi qosymshasy boıynsha,

- «Alma TV» kabeldik júıesine qosylmaǵan bolsańyz, «Habar», «Qazaqstan-1», «ORT Qazaqstan», «Astana TV», «KTK», «NTK» telearnalarynan «daýysty habarlama» beriledi;

- 109 telefonyna qonyraý shalýǵa bolady (uıaly telefonnan tegin) ;

- www.e.astana.kz Astana qalasy ákimdiginiń elektrondy qyzmetter portalynda;

- www.bilim.astana.kz Astana qalasy bilim basqarmasynyń saıtynda;

- Mekteptegi kezekshiniń telefonyna, synyp jetekshisine, mektep ákimshiligine habarlasýǵa bolady.

Ata-analardy muqıat bolýǵa shaqyramyz. Sabaqty toqtatý týraly aqparat joǵaryda kórsetilgen ýaqytta ǵana beriledi. Qys mezgilinde aýa-raıynyń sýyqtyǵyn eskerip, balalaryńyzǵa jyly kıinýdi, aqparatty ýaqytyly tyńdaýyn qatań tapsyrýlaryńyzdy suraımyz.

---