InfoHub Logo

Astana qalasynyń bilim basqarmasy elordadaǵy eń úzdik mektepterdiń tizimin jarıa etti.

Vedomstvonyń habarlaýynsha, Astanadaǵy mektepterdiń reıtıńi jyl saıyn «Eń úzdik orta bilim berý uıymy» jáne «Eń úzdik ınovasıalyq mektep» baıqaýlary kezinde anyqtalady. Olardyń qorytyndysy boıynsha qala ákiminiń granty tabystalady.

«Astana daryny» aımaqtyq ǵylymı-praktıkalyq ortalyǵy jyl saıyn oqýshylardyń barlyq deńgeıdegi olımpıadalarda, ǵylymı jáne zıatkerlik jarystardaǵy nátıjelerine qatysty reıtıńtik zertteý jasap otyrady.

«Astana daryny» ótkizetin reıtıńtik zertteýlerdiń nátıjelerin tirkeý arqyly jumystaǵy olqylyqtar men kemshin tustardy der ýaqytynda anyqtap, onyń aldyn alýǵa, bilim berý júıesiniń jáne jekelegen bilim uıymdarynyń damý bolashaǵyn boljaýǵa, daryndy balalardy anyqtaýǵa, olardy qoldap, ary qaraı damytýǵa jáne elordalyq bilim berý salasynyń zıatker elıtasyn qalyptastyrýǵa múmkindik beredi», - dep esepteıdi bilim basqarmasy.

2015-2016 oqý jylynda Astana qalasynyń 94 mektebi atynan aýdandyq, qalalyq, respýblıkalyq, halyqaralyq olımpıadalarda, ǵylymı jáne zıatkerlik jarystarǵa («Ǵasyrdan ǵasyrǵa», «Elordalyq bilim berý uıymdarynyń kóshbasshysy», «Polıglot», «Juldyzdy jol» jáne taǵy basqa) qatysqan oqýshylardyń nátıjeleri boıynsha reıtıńtik zertteýler júrgizildi.

Astanada 94 mektebiniń ishinde 15 mektep eń úzdik nátıjeler kórsetti: №3 mektep-gımnazıasy (E.V. Shevernáeva), №66 mektep-lıseıi (A.E. Shaıahmetova), №70 mektep-lıseıi (M. K. Qazıeva), №60 mektep-lıseıi (A.J. Dúısenova), №71 mektep-lıseıi (Sh.A. Áýbákirova), daryndy balalarǵa arnalǵan №9 «Zerde» mektebi (A.S. Seksenova), №48 mektep-lıseıi (Z.J.Sadyqova), №50 mektep-lıseıi (R.A. Bolataeva), №73 mektep-lıseıi (Q.A. Baıtajyqova), №54mektep-lıseıi (G.K. Ámrına), daryndy balalarǵa arnalǵan №82 «Daryn» mektebi (J.B. Qasymbek), №64 mektep-lıseıi (R.A. Bulambaeva), A. Qurmanov atyndaǵy №17 mektep-gımnazıasy (R.F.Ómirrbaeva), №40 orta mektebi (E.I. İrgebaı) jáne №6 gımnazıa (T.K. Krylova).

---