Astana oqýshylary ǵylymı jobalar halyqaralyq konkýrsynda júldeli oryndarǵa ıe boldy
Elordanyń joǵary synyp oqýshylary Brazılıanyń Portý-Alegrı jáne Nový Gambýrg qalalarynda ótken halyqaralyq ǵylymı jumystar baıqaýyna qatysty. Bul týraly qala ákimdiginiń saıty habarlady.
Shyǵarmashylyq jarys Mostra Internacional de Ciência e Tecnologia (Mostratec) 31-shi Halyqaralyq bilim kórmesi sheńberinde ótkizildi. Sharany uıymdastyrǵan - Brazılıanyń Liberato qory, bul qor ǵylym men tehnologıalardy damytý úshin bilikti mamandar daıyndaýǵa yqpal etetin qoǵamdyq ınstıtýty.
Mostratec kórmesiniń maqsaty - oqýshylardyń jaratylystaný ǵylymdaryna degen qyzyǵýshylyǵyn yntalandyrý, ǵylym men tehnıkanyń túrli salalaryndaǵy shyǵarmashylyq qyzmetke tartý, halyqaralyq yntymaqtastyqty damytýǵa qoldaý kórsetý jáne oqýshylarmen jumys isteý úshin mamandardy tartý.
Elordalyq oqýshylar qazylar alqasynyń nazaryna matematıka, fızıka, hımıa jáne ınformatıkadan zertteý jumystaryn usyndy.
Elordalyq oqýshylardyń eń úzdik 10 jumysy baıqaýdyń aqtyq kezeńine ótti. Onyń ishinde ozonnyń jerdegi ósimdikterge zıandy áseriniń dálelderi, aınalmaly sılındrleri bar jel qozǵaltqyshynyń aerodınamıkalyq sıpattamalary, keıbir áleýmettik prosesterde ıerarhıa taldaýyn qoldaný jáne t.b. bar.
Baıqaý qorytyndysy boıynsha, elordalyq oqýshylar 7 altyn, 6 kúmis jáne 7 qola medalǵa ıe boldy. Úzdik jumystardyń avtorlary dıplomdarmen, baǵaly syılyqtarmen jáne bilim granttarymen marapattaldy. Sharany uıymdastyrýshylar qazaqstandyq oqýshylardyń jaqsy daıyndalǵanyn atap ótip, Qazaqstandaǵy bilim deńgeıine joǵary baǵa berdi.
You Might Also Like
-
Máńgilik El bolýǵa Qazaq eliniń Erligi bereke men birliginde, ultaralyq tatýlyǵynda, dana basshylyǵynda bolady. Elbasy bastady, halqy bir jeńnen qol, bir jaǵadan bas shyǵaryp qostady, osynyń arqasynd...
-
Baqytty túster kóretin edik, Arman, shirkin, án bop kóńil kóginde. Kim bilipti surapyl sol soǵysqa, Qas - qaǵym sát qalǵandyǵyn teginde.
