Astanada jaǵdaıy tómen otbasy balalaryna 41 myń teńgeden beriledi
1 tamyzda elordada dástúrli «Mektepke jol» aksıasy bastaldy.
Atap aıtqanda, AÁK alýǵa quqyǵy bar otbasynan shyqqan balalar, AÁK almaıtyn, jan basyna shaqqandaǵy tabysy eń tómen kúnkóris deńgeıine jetpeıtin otbasy balalary, ata-ana qamqorlyǵynsyz qalǵan balalar, TJ saldarynan shuǵyl járdemdi talap etetin otbasy balalary jáne qıyn jaǵdaıǵa tap bolǵan otbasylar, onyń ishinde múgedek balalary bar jaǵdaıy tómen otbasylarǵa mektepke qajetti jabdyqtar men kıim úshin aqshalaı kómek kórsetiledi.
«Bıyl Astana boıynsha 22 700 balaǵa kómek kórsetiledi. Onyń birinshi baǵytynda búdjet esebinen 14 200 balaǵa kómek beriledi. Ol kómekti alý úshin ata-analar mektepke baryp ótinish jazyp, bankte arnaıy shot ashýy qajet. Nesıe qaryzy joq jáne buǵattalmaǵan bank kartochkasynyń 20 tańbaly nómirin usyný kerek). Atalǵan otbasy balalaryna jalpyǵa mindetti oqý qorynan 41 myń teńge beriledi. Bul - balalardy mektepke daıyndaýǵa arnalǵan qarajat. Ata-analardan berilgen qarajatty tıisti maqsatta balalarǵa jumsaýyn suraımyz», - dedi qalalyq bilim basqarmasynyń basshysy Qasymhan Senǵazyev Astana komýnıkasıalar ortalyǵynda.
Bilim basqarmasy osy másele boıynsha bilim berý uıymdarynyń basshylarymen túsindirý jumysyn júrgizgen.
Qazirgi ýaqytta jalpy bilim beretin mektepter ákimshilikteri halyqtyń muqtaj sanattarynyń tizimin qalyptastyrý boıynsha jumys júrgizýde.
«Al ekinshi baǵytta «Mektepke jol» respýblıkalyq aksıasy boıynsha aýdan ákimdikterimen birlesip, demeýshilik qarajat esebinen áleýmettik osal sanattaǵy 8 500-den astam balany qamtý josparlanýda. Aksıa 1 tamyzdan bastap 30 qyrkúıekke deıin josparlanǵan. Materıaldyq kómekti kópbalaly otbasylar, jetim balalar jáne ata-ana qamqorlyǵynsyz qalǵan balalar ala alady. Eger otbasy atalǵan sanattarǵa jatatyn bolsa, ata-analar mektepke rastaıtyn qujattardy usynýy kerek. Qandaı qujattardy tapsyrý kerektigin mektepter túsindiredi», - deıdi basqarma basshysy.
Azamattardyń ótinishterine jedel áreket etý úshin bilim berý uıymdarynda «Jedel jeli», «Senim» telefondary (55 69 60, 55 68 51) jáne qoǵamdyq qabyldaý bólmeleri jumys isteıdi.
Buǵan deıin spıker Astanadaǵy bilim sapasynyń kórsetkishi 59,7% quraǵanyn aıtqan edi.
Aldyn ala boljam boıynsha jańa oqý jylynda bala sany 255 myńǵa jýyq bolady. Birinshi synypqa 27 myńnan astam bala barady dep kútilip otyr.
You Might Also Like
-
Elimizde 1-synypqa oqýshylardy qabyldaý merzimi aıaqtaldy.
-
Ómir jolynda neshe túrli de, minezdi de adamdar jeterlik. Jaman joldastan syrlas bolyp jáne aralasyp tisińizdi tistep qalýyńyz múnkin. Bul joldas nemese dosyńyzben ári qaraı aralasqan jón be? Júregi...
