Atyraýlyq oqýshylar sýsabynnyń jańa túrin jasap shyǵardy
Atyraýlyq oqýshylar sýsabynnyń jańa túrin usyndy. Sýsabynnyń quramynda hımıalyq qospalar joq.
Atyraýdaǵy Abaı aty berilgen oqýshylar ortalyǵynda 7-11-synyp oqýshylary ǵylymı jobalarmen aınalysyp júr.
Munda oqýshylar úshin STEAM baǵytynda bilim berýge arnalǵan JasSpace baǵdarlamasy ashylǵan.
Atalǵan baǵdarlamamen «Máńgi tiri sý» jazǵy kýrsynan qosymsha bilim jetildirgen oqýshylar arasynda Arýjan Abdýlǵazıeva, Bıbinur Ǵabdyjan men Ýálıthan Batyrbaev ta bar.
Jas ónertapqyshtar sýsabynnyń jańa túrin jasap shyǵardy. Olar sýsabyndy Eco-way dep ataǵan.
«Bul tabıǵı ónimniń quramyna súlfat, hlorıt sekildi hımıalyq qospalar qosylǵan joq. Biz kúndelikti tutynýǵa sýsabyndy tek tabıǵı qospalar men organıkalyq zattardan ǵana jasadyq. Jańa sýsabyn shashty nárlendiredi, qaıyzǵaqtan tazartady. Ózim tól sýsabynymyzdy qoldanyp júrmin», - deıdi Ýálıthan Batyrbaev.
«Máńgi tiri sý» jazǵy kýrsynyń treneri Ásel Ońdashevanyń aıtýyna qaraǵanda, oqýshylar jasaǵan tabıǵı sýsabynnyń adamnyń densaýlyǵyna esh zıany joq.
Sol sebepten, bul sýsabyndy kishkentaı balalardy jýyndyrýǵa paıdalanýǵa ábden bolady.
«Qazirgi sýsabyndardyń quramyndaǵy súlfattar alergıa týǵyzyp, shashtyń túsýine áser etýi múmkin. Muny tutynýshylar eskermeıdi. Al, atyraýlyq oqýshylar jasap shyǵarǵan sýsabynnyń quramynda súlfat joq. Adamnyń kózin ashytpaıdy. Endi jobany áli de jetildirýdi oılastyryp otyrmyz», -deıdi Ásel Ońdasheva.
You Might Also Like
-
Orta júz Arǵyn, Syrym, Malaısary batyrdyń ákesi Toqtaýyl batyr zamanynda «batyr» atanǵan kisi eken.
-
Bizdiń bul qazaq Syr boıynan aýyp kelgende, Ulytaý, Kishitaýdy qystap, Surqarasortyny jaılap, sol mańa[ıǵa] oryn teýip júripti. Baıanaýlaǵa «Barlybaı» urandy Básentıin [kelip] «Aq t...
