InfoHub Logo

Bizdiń  tilimiz – ananyń aq sútimen boıǵa sińgen asyl qazynamyz, sondyqtan da óz tilimizde sóıleý basty paryzymyz.

«Til  aqyldyń  ólshemi»  dep  halqymyz  beker  aıtpaǵan.  Elbasymyz  N. Á  Nazarbaev  «Qazaqstannyń  bolashaǵy - qazaq  tilinde»  degen  sózinde  túsingen  adamǵa  kóp  maǵyna  jatyr.  Tildiń  kómegimen  óner – bilimdi,  ǵylymdy  ıgeremiz,  ótken – ketkenimizdi  saralap,  sabaq  alamyz.  Biz  óz  tilimizdi  qurmetteı  otyryp,  dinimiz  ben  salt  dástúrimizge,  tarıhymyzǵa  kóptep  úńiletin  bolsaq  jáne    ony   ózimiz  tanyp  qana  qoımaı,  sol  asyl  qazynamyzdy  álemge  tanytsaq  keleshek  urpaq  úshin  kóp  jumys  atqarǵan  bolyp  sanalamyz.     Óıtkeni  óz  tilin,  dinin,  tarıhyn  jaqsy  bilmegen  adam  basqa  tildiń  qadirin  bilý  múmkin  emes. Qazaq  halqy  óziniń  sheshendigimen  sheberlik  jáne  danalyǵymen    erekshelenedi. 

Sońǵy jyldary ana tilimizdiń memlekettik mártebege ıe bolýy, halyqtyq pedagogıkanyń asyl qazynasyn paıdalanýǵa,ádebıetimiz ben mádenıetimizdi, salt-dástúrimizdi jetildirýge múmkindik týǵyzǵany elimiz úshin zor qýanysh. Qazirgi zaman talaby-halyqtyq dástúrdi keńinen paıdalanýdy kózdep otyr. Ol úshin halqymyzdyń  ata-babadan kele jatqan ulttyq asyl muralaryn, turmys-saltyn, úlgi-ónegesin júzege asyrýymyz qajet. Elimizdi basqa el tanyp jatqanda, táýelsiz el tiregi-bilimdi urpaqty tárbıeleý basty mindetterdiń biri. Tárbıeniń negizgi quraly til, ol ulttyń tarıhı kórinis belgisi.

Ulttyq qasıet pen ulttyq sana  ana tili arqyly boıymyzǵa darıdy. Táýelsiz el, álem moıyndaǵan jurt qataryna qosylam deseń áýeli tilińdi saqta, isti tilden basta. Tilin tanyǵan el ózin tanıdy,ózin tanyǵan el ózgelerge tanymal bola alady.

Adamzattyń  ulysy, Allanyń sońǵy elshisi, Islamnyń piri – bizdiń Paıǵambarymyz Muhammed óziniń 319 hadısinde: «Tilin túzegen adamǵa Allanyń rahmeti jaýsyn», - degen. Endeshe, sol Mýhammed úmbeti bizder óz tilimizdi túzep, damýyna óz úlesimizdi qosý árbir azamattyń boryshy dep sanaımyn.

Ana súti boı ósirse, ana tili oı ósiredi. Olaı bolsa, ata ósıetine qulaq asyp, ananyń tili arqyly babalar amanatyna adal bolyp, eldigimizdiń nyshany bolǵan tilimizdiń týyn joǵary ustaıyq.

№3 Arshaly orta mektebiniń
qazaq tili men ádebıeti pániniń muǵalimi:
A. M. Sarjanova

---