InfoHub Logo

Astanada «Bıomedısına, ınjenerıa jáne tehnologıalar» atty XII Naýryz kezdesýleri qorytyndylandy. «Nazarbaev Zıatkerlik mektepteri» derbes bilim berý uıymynyń aıshyqty oqıǵasy dástúr boıynsha oqýshylardyń ǵylymı talanttary men zertteýshilik shabyttaryn kóktem merekesiniń eń mańyzdy salt-dástúrlerimen toǵystyrdy.

Jasandy tin men organdar, aqyldy protezder, derbes medısınalyq kómekshiler men bıoınterfeıster, aqparattyq jáne baǵdarlamalyq quraldar, medısınalyq beıneler men bıosıgnaldardy óńdeý, pasıentterdiń derekter bazasyn ázirleý seksıalarynda alty joba úzdik dep tanyldy.

NIS halyqaralyq bakalavrıat mektebinen «Medısınalyq beınelerdi, bıosıgnaldardy óńdeý men taldaýǵa arnalǵan kompúterlik tehnologıalar» seksıasy boıynsha synǵa túsken Tomırıs Ydyrysbaeva, Araı Kamalıeva, Amır Jaqsylyq, Ádilet Aýsarbekov, Janel Mamyrbek «DermaMarker» jobalarymen birinshi oryn ıegeri atandy. Sondaı-aq «Adam aǵzasynyń qyzmetin baqylaýǵa arnalǵan apparat-baǵdarlamalyq quraldar» seksıasynda Jánel Mamyrbek úzdik atansa, 7-synyp oqýshylary Qalıaqbar Baımuqan, Taır Týrsynqan úshinshi oryndy enshiledi.

Naýryz kezdesýleriniń úzdik jobalar avtorlary Qazaq-Brıtan tehnıkalyq ýnıversıteti men AlmaU granttaryn ıelendi.

---