Ashat Aımaǵambetov kompúteri joq balalardyń problemasyn qalaı sheshpek
Qazaqstanda orta mektepterde bilim alatyn 300 myń oqýshynyń kompúteri joq. Bul týraly Ortalyq komýnıkasıalar qyzmetindegi brıfıńte QR Bilim jáne ǵylym mınıstri Ashat Aımaǵambetov aıtty.
«Aýyldaǵy mektepterdiń kóbinde ınternet joq desek, ol tek aýyldaǵy mektepterge qatysty másele emes. Bizdiń keıbir úlken nemese shaǵyn qalalardyń ózinde jalpy tehnıkalyq múmkindik bolǵannyń ózinde biraz oqýshylarymyzdyń úılerinde múldem kompúter joq. Tehnıkalyq múmkindigi bar balalardy ınternetke qosý máselesi de bar. Sondyqtan jergilikti atqarýshy organdar bul baǵytta jumysty bastap ketti. Tehnıkalyq múmkindigi bar, biraq, ınternetke qosylmaǵan balalardy ınternete qosý jumystaryn bastap, ákimdikter bul jumyspen qyzý aınalysýda», — dedi mınıstr.
Onyń atap ótýinshe, kompúterdiń jetispeýshiligi de úlken másele bolyp tur.
«Interneti, tehnıkalyq múmkindigi bar, biraq kompúteri joq degen 300 myńnan astam bala bar. Olarǵa qatysty aqparat jetkilikti. Sondyqtan bul máseleni sheshýdiń eki jolyn kórip otyrmyz. Birinshi — bizdiń mektepterdiń balansyndaǵy kompúterlerdi balalarǵa ýaqytsha berý. Bul jumysty bastadyq. Mysaly, Nur-Sultan, Almaty qalalary belsendi júrgizip jatyr. Aıtalyq, Almaty qalasy 10 myńnan astam kompúterdi taratyp úlgerdi. Mektepterdiń kompúterlerin ýaqytsha paıdalaný boıynsha arnaıy aktimen ata-analarǵa, balalarǵa berip jatyrmyz», — dedi ol.
Ashat Aımaǵambetov mektep kompúterleri de jetkiliksiz ekendigin jasyrmady.
«Sondyqtan biz qosymsha kompúterler satyp alý jumysyn júrgizip jatyrmyz. Satyp alý jumysy bastaldy. Bizdiń oıymyzsha, 80 myńǵa jýyq kompúter satyp alynady. Onyń ishinde kompúterler, planshetter bar. Tıisti taldaý jasap kórdik. Jalpy, elimiz boıynsha osynsha kompúter sany jetkilikti dep aıta almaımyz. Sondyqtan birneshe jerden izdep, kompúter bar jerden kompúter alyp, joq bola planshetter alyp, túrli joldaryn qarastyrý arqyly sheship jatyrmyz», — dedi mınıstr.
Onyń atap ótýinshe, ustazdarymyzdyń da keıbiriniń úıinde ınternet, keıbirinde kompúter joq.
«Sondyqtan da ustazdarymyzdy da tıisti qural-jabdyqpen qamtý boıynsha jumys júrgizlip jatyr», — dedi elimizdiń bas muǵalimi.
You Might Also Like
-
Qazaqstanda mektepterde bilim berý 4 baǵytta júrgiziletin bolady. Bul týraly Ortalyq komýnıkasıalar qyzmetindegi brıfıńide QR Bilim jáne ǵylym mınıstri Ashat Aımaǵambetov aıtty.
-
Eki adam qatty talasyp qalady. «Qaı jeńilgenimiz óz etinen bir put et kesip beretin bolsyn» dep bástesedi. Biri jeńiledi de:
