Ashat Aımaǵambetov qashyqtan oqytýdyń 4 baǵytyn atady
Qazaqstanda mektepterde bilim berý 4 baǵytta júrgiziletin bolady. Bul týraly Ortalyq komýnıkasıalar qyzmetindegi brıfıńide QR Bilim jáne ǵylym mınıstri Ashat Aımaǵambetov aıtty.
«Qashyqtan oqytýǵa keler bolsaq, aýyl mektepterine jáne shalǵaıdaǵy shaǵyn jınaqty mektepterde oqıtyn balalarǵa qıyn bolady. Sondyqtan eń basty nazardy osy máselege aýdaryp, tıisti jumysty bastap kettik. Jumys jalpy qalaı júrgiziledi degen saýalǵa jaýap beretin bolsaq, 4 baǵyt boıynsha jumys júrgizip jatyrmyz. Birinshi baǵyt — teledıdar arqyly tıisti sabaqtardy berý. Qazirgi ýaqytta jumys júrgizilip, respýblıkalyq 2 telearna kelisimin berdi. Ol — «Balapan» men «El arna» telearnasy. Biz osy telearnalar arqyly sabaqtarymyzty tıisti keste boıynsha kúnine 8 saǵat beremiz», — dedi mınıstr.
Onyń atap ótýinshe, 4-toqsandy qamtý úshin 3 360 sabaq túsirý kerek. Qazirgi ýaqytta osy sabaqtardyń 300-den astamy túsirilip, daıyn bolǵan.
«Árıne, bul óte kúrdeli másele. Osyndaı úlken indet bolyp jatqanda ustazdarymyz telearnalarǵa kelip, tıisti túsirilimge qatysýda. Ustazdarymyz túsirilimge daıyn bolmaǵan. Telejúrgizýshi retinde ózin jańa rólde synap jatyr. Sabaqtaryn daıyndap, ony 10-15 mınýtqa túsinikti ári bala jalyqpaıtyndaı durys formatta berý de úlken emtıhan. Túsirilimge qatysyp jatqan ustazdarǵa alǵys aıtqym keledi», — dedi ol.
Mınıstr kelesi úlken baǵyt — bul radıo ekendigin aıtty.
«Biz teledıdar sıgnaly jetpeıtin eldi mekenderde Qazaq radıosy bar ekendigin jaqsy bilemiz. Qazaq radıosymen de kelisimge keldik, radıodan da tıisti kestege sáıkes sabaq júrgiziledi. Úshinshi baǵyt — poshta arqyly. Ózderińiz de bilesizder, bizde 1 200 eldi meken bar. Olar óte shaǵyn eldi mekender, olarda 3, 4, 5 oqýshy ǵana bar. Olardy munyń aldynda kúndelikti kólikpen mektepke alyp kelip, alyp ketetinbiz. Biz bul balalarǵa da bilim berýmiz kerek. Sondyqtan da poshta arqyly da osy jumysty júrgizemiz», — dedi ol.
Elimizdiń bas muǵalimi tórtinshi baǵytta ınternet júıesi arqyly sabaq júrgiziletindigin aıtty.
«Jalpy, qysqa ýaqyttyń ishinde birneshe ınternet platformalaryn, sıfrlyq resrýstardy daıyndap boldyq. Eń bastysy ustazdarymyz osy sırflyq platformalardy paıdalana bilý máselesine de úlken kóńil bólýdemiz. Sondyqtan ár mektepte, kolejde, JOO-da, bilim bólimderi, basqarmalarynda osy jumys júrgizilip jatyr», — dedi Ashat Aımaǵambetov.
You Might Also Like
-
QR Bilim jáne ǵylym mınıstri Ashat Aımaǵambetov jazǵy kanıkýldy qysqartý men UBT ótkizý merzimi týraly túsinikteme berdi.
-
Qazaqstanda orta mektepterde bilim alatyn 300 myń oqýshynyń kompúteri joq. Bul týraly Ortalyq komýnıkasıalar qyzmetindegi brıfıńte QR Bilim jáne ǵylym mınıstri Ashat Aımaǵambetov aıtty.
