InfoHub Logo

Shalǵaıdaǵy eldi mekenderdiń oqýshylary 4-toqsandy mektepte oqýǵa múmkindikteri bar. Bul týraly Ortalyq komýnıkasıalar qyzmetindegi brıfıńte QR Bilim jáne ǵylym mınıstri Ashat Aımaǵambetov aıtty.

«Bizde shaǵyn jınaqtalǵan, ásirese, shalǵaıdaǵy, óte alystaǵy eldi mekenderdegi mektepter bar. Olarda bala sany óte az. 20, 40, 50 bala bilim alady. Biraq, úlken mektepter. Osy mektepter boıynsha qazirgi ýaqytta tıisti sheshim qabyldadyq. Árıne, epıdemıologıalyq jaǵdaıǵa baılanysty áli de sheshimdi qarap, kerek bolsa túzetemiz. Biraq, respýblıka boıynsha osyndaı mektepterdiń tizimin anyqtadyq jáne osy mektepterde qazirgi ýaqytta tıisti karantındik sharalar qabyldanatyn bolsa, onda sol mektepter ózderiniń dástúrli formatynda jumysyn jalǵastyra berýge múmkindikteri bar», — ol.

Biraq, mınıstrdiń aıtýynsha, mundaı mektepterde sabaq ótkizý ýaqyty 30 mınýtqa qysqartylady. Sonymen qatar oqýshylar eki aýysymmen bilim alady.

---