InfoHub Logo

Almaty qalasy
№1 Almaty qazaq memlekettik-gýmanıtarlyq pedagogtik koleji
Beıqutova Shuǵyla Qaıratqyzy
Ǵylymı jetekshi: Tashıeva Elvıra Aıtjanqyzy

Synyp jetekshi men ata-ananyń birlesken is-áreketi bala  tárbıesinde jáne bilim berýde mańyzy zor. V.A.Sýhomolenskıı oqýshylardyń ata-analarmen jumys jasaýdyń mańyzdylyǵyna erekshe nazar aýdarǵan. «Ata-analarmen birge jalpy kúsh-jigerdi biriktirý balany durys tárbıeleýge yqpal etedi»-delingen. Otbasy mekteppen birge  tárbıelik ortany qalyptastyrýshy faktorlardyń biri. Sondyqtan da bilim berý men tárbıe salasynda ata-ana men synyp jetekshiniń mindetteri teń dárejede dep aıtýymyzǵa bolady. Ata-analar balany tárbıeleý isinde mekteppen tyǵyz qarym qatynasta baılanys jasaýdy negizgi mindetimiz dep sanaýy tıis. Synyp jetekshi ata-analarmen turaqty baılanys ornatýy mindetti. Ondaǵy maqsat otbasynyń, onyń músheleriniń ózara qarym-qatynas mádenıetiniń deńgeıin anyqtap keńes berip, bala tárbıesine aralastyryp otyrýymyz qajet. Sonymen qatar  otbasy men mekteptiń balaǵa qoıatyn talaptarynyń birligin qamtamasyz etý qajet. Ondaǵy maqsat ómir súrip jatqan qoǵamǵa saı  belgili bir quqyq normalaryn balaǵa úıretý. Ata-analardyń pedagogıkalyq bilim dárejesi men mádenıetin únemi arttyryp otyrý. Kóptegen jumystardy ata-analarmen birlese otyryp atqarý. Qoǵamdyq is sharalarǵa ata-analardy kóptep qatystyryp mekteppen tyǵyz baılanysta bolýy tıis. Synyp jetekshi ata-analar jınalysyn kóptep uıymdastyryp otyrýy da úlken qajettilikti talap etedi. Bundaı jıyndarda oqýshynyń tek bilim sapasyna baılanysty uıymdastyrylmaýy kerek. Ata-analar jınalystarynda bilim berýdiń jáne tárbıeniń maqsat mindetteri qarastyrylyp tıimdi ádis tásilderi talqylanýy qajet. Búgingi tańda ata-analarmen jumystyń keıbir dástúrli túrleri óziniń mańyzyn joıýda. Degenmen tájirıbeli ustazdardyń kózqarasy boıynsha dástúrli túrleri óz oryndaryn joǵaltpaýy tıis. Sonyń saldarynan muǵalimder men ata-analardyń yntymaqtastyq qarym-qatynasyna keri áserin tıgizýde. Búgingi kezdegi bala tárbıesinde olardyń oı bólisip pikir almasýy aýadaı qajet bolyp tur. Mektep oqýshylarymen jumys atqarý kóp izdenýdi jáne eńbek etýdi qajet etedi. Ásirese bastaýysh synyptardaǵy synyp jetekshilerge júkteler jaýapkershilik mol. Oqýshylardyń ata-analarymen tyǵyz baılanysta bolǵan jaǵdaıda ǵana talapqa saı jumystardy atqarýǵa bolady. Sondyqtanda ata analar óz tarapynan mektepke jáne synyp jetekshige turaqty kómek kórsetip otyrýy qajet.

Synyp jetekshiniń ata-analarmen jumys jasaý qajettiligi:

— Balanyń ómirin uıymdastyryp durys tárbıe alýyna yqpal jasaý

— Balanyń jan-jaqty úılesimdi damýy úshin tárbıelik yqpaldy tıimdi jáne nátıjeli uıymdastyrý

— Balaǵa yqpal etýdiń jalpy tásili men tehnıkasyn oılastyrýda ár túrli jaǵdaıda oǵan áser etýi úshin kúsh jigerdi biriktirý úshin.

Ata-analarmen mektep arasyndaǵy baılanys tyǵyz túrde júrip otyrýy qajet. Ata- analarmen birlese otyryp túrli is sharalardy kóptep uıymdastýyrý kerek mysaly aýlany kógaldandyrý jumystary, sprorttyq sharalar, óner baıqaýlary sonymen qatar sabaqtan tys oqýshylarmen qyzyqty ýaqyt ótkizýdi synyp jetekshimen birlese otyryp uıymdastyrý mádenı oryndarǵa kóptep aparyp bos ýaqyttaryn da tıimdi paıdalanýǵa áreket jasalýy tıis.

Synyp jetekshiniń, muǵalimderdiń ata-analarmen jeke kezdesý uıymdastyrýy da dástúrge aınalǵan dep aıtýymyzǵa da bolady.Ata-anamen áńgimelesý barysynda balanyń minez-qulqy, yntasy men qabileti, qyzyǵýshylyǵy men beıimdiligi, ustazdarmen jáne dostarymen, synyptastarymen qarym-qatynasy jaıly túsinik alady. Sonymen qatar, synyp jetekshi ata-analaryna balanyń úlgerimi men qoǵamdyq jumystarǵa aralasý deńgeıin jáne keıbir qylyqtary týraly málimet beredi. Oqýshylardyń kún rejımi, olardy eńbekke baýlý, úıge berilgen tapsyrmalardy oryndaý jaıly ata–anaǵa pedagogtik keńes beredi.

Qoryta aıtqanda synyp jetekshi ata-analarmen tyǵyz baılanysta jumys jasaýy qajet. Oqýshynyń bilimdi sanaly azamat (sha) bolyp qalyptasýyna ata-anamen synyp jetekshiniń atqarar róli teń dárejede. Sebebi, otbasyndaǵy tárbıe de, mekteptegi tárbıe de bala ómiri úshin mańyzdy bolyp tabylady. Eki ortanyń da tárbıe prosesinde yqpaly zor. Oqýshynyń qyzyǵýshylyqtary men bilim sapasy, yntasy týraly málimet almasý mańyzdy bolyp tabylǵandyqtan synyp jetekshi men ata-ananyń mańyzy zor.

Paıdalanylǵan ádebıetter:

S.Ábenbaev «Tárbıe teorıasy men ádistemesi» Almaty 2004 jyl

I.N Boldyrev «Mekteptegi tárbıe jumysynyń metodıkasy» Almaty 1987 jyl

S.S Tileýova , A.Z Álipbek «Pedagogıka» Shymkent 2006 jyl

---