InfoHub Logo

Astana qalasy, №68 orta mekteptiń
ózin - ózi taný pániniń muǵalimi,
Qazaqstan Respýblıkasy Bilim berý isiniń qurmetti qyzmetkeri
Esenbaeva Roza Túzelbaıqyzy

Ózin - ózi taný pán aptalyǵynda 11 synyp oqýshylarymen ótkizilgen tárbıe saǵaty
Sabaqtyń taqyryby: Ata salty - asyl qazyna
Qundylyq: Durys áreket
Qasıetter: Qurmet kórsetý, súıispenshilik, adamgershilik;

Sabaqtyń maqsaty:
1. Ulttyq salt - dástúrdiń, ata saltynyń urpaqqa mura retindegi mańyzyn túsindirý.
2. Oqýshylardy ata saltyna adal bolýǵa, qasterleýge, saqtaýǵa, jasampazdyqpen damytýǵa úıretý.
3. Ultjandylyqqa, ata saltyna beriktikke, parasattylyqqa tárbıeleý.

Sabaqtyń mindeti:
1.«Ata saltynyń» ulttyq qundylyq retindegi mánin ashý;
2. Ata saltyn jiti bilip, ony qurmetteýdiń perzenttik boryshy ekenin túsindirý;

Sabaqtyń jospary:
İ. Kirispe Salt - dástúr - halqymyzdyń baı qazynasy.
İİ. Negizgi bólim
*Ulttyq tárbıe ónegesi.
*Halqyn súıgen – halqynyń saltyn súıedi.
*Dástúr jalǵastyǵy – ult bolashaǵy.
İİİ. Qorytyndy bólim
Ult taǵdyry – urpaq qolynda.

Sabaqtyń barysy:
1 - shi júrgizýshi: Qazaq halqy salt - dástúrge óte baı el. Bul onyń mádenıetti ári tárbıeli el ekendiginiń belgisi. Bizdiń halqymyz urpaqtaryna ǵasyrdan ǵasyrǵa ult qasıetin salt - dástúrmen, ónegeni ádep – ǵuryppen, úlgini jón - josyqpen, ádepti yrym - tyıymmen tárbıelep, asa senimdi, ári ǵajaıyp jol ekenin kórsetti.
2 - shi júrgizýshi: Otanshyldyq, erlik, márttik, jomarttyq, qaıyrymdylyq, joǵary adamgershilik qasıetter osy jol arqyly daryǵan.
1 - shi júrgizýshi: Qazaq dástúri - ata - anany, úlkendi syılaýǵa baýlıdy. Úlkenge sálem berý, jol berý, qonaqty qarsy alý, joldas - joraǵa qaıyrymdy bolý sıaqty dástúrler ómir boıy eskirmeıdi.
2 - shi júrgizýshi: Halyqtyq jaqsy dástúrlerdi eshbir uly adam attaǵan emes, árbir jas dástúrdi qorǵaýshy, oryndaýshy ári damytýshy bolýy kerek.
Kórinis kórsetý «Baqytty jastar aýyly»
Aýyl aqsaqaly: Ýa, balalar, myna aýyl qandaı keremet edi! Pah, shirkin berekesi men birligi qatar qonǵan baqytty el eken.
Aýyl anasy: Iá, durys aıtasyz, aqsaqal! Bul aýyldyń jastary ádepti, bilimdi, ata - analaryn syılap, ulttyq tárbıege qurmetpen qaraıtyn jastar eken.
Aýyl aqsaqaly: «Altaý ala bolsa, aýyzdaǵy ketedi,
Tórteý túgel bolsa, tóbedegi keledi», - degendeı birlikti jany súıgen, tatý – tátti, bilim nárimen sýsyndaǵan jastar eken ǵoı.
1 - shi júrgizýshi: Kelińizder, kórińizder! Bizdiń aýyldyń qyzdary ádepti ári sypaıy, shetterinen ónerli. Al, jigitterge kelsek «segiz qyrly, bir syrly», sabyrly ári ultjandy, bilimdi jastar.
2 - shi júrgizýshi: Qurmetti qonaqtar! Bizdiń shaǵyn ǵana «Baqytty jastar aýyly» atanýymyz, eń birinshi – tálim – tárbıe bergen ustazdarymyz ben ózderińiz sıaqty jaqsylyqqa baǵyt siltegen ata - anamyzdyń eńbekteriniń jemisi dep oılaımyz. Biz ana tilimizdi súıemiz, salt - dástúrimiz ben tarıhymyzdy qurmetteımiz.

1 - shi júrgizýshi: Biz boıymyzǵa ulttyq izgi qasıetterdi daryta otyryp, jalpy adamzattyq qundylyqtardy meńgerýge umtylǵan, bilim nárimen sýsyndaǵan, aldymyzǵa maqsat qoıý arqyly bıik belesterden kórinetin HHİ ǵasyrdaǵy Qazaqstan Respýblıkasynyń azamattary bolamyz.
2 - shi júrgizýshi: Al, qurmetti qonaqtar, aýylymyzǵa qosh keldińizder!
(Aýyl jastary qonaqtarmen amandasý rásimin kórsetedi)
Aqsaqal, «Batamen el kógerer, jańbyrmen jer kógerer» demekshi jastarǵa bata berińiz.
(Aqsaqal jastarǵa bata beredi)
Aýyl anasy: Osy aýylda búgin toı bolady degen qýanyshty habardy estip, shashýymdy ala keldim.
1 - shi júrgizýshi: Búgin bizdiń aýylda úlken toı. Jas sábıdiń tusaýyn kesý toıy. Tusaý kesý – qasıetti salt – dástúrdiń biri, sábıdiń ómirge alǵashqy aıaq basý toıy.
2 - shi júrgizýshi: Bul ádemi dástúrdi aýylymyzdyń qadirli, kópti kórgen, ulaǵatty adamdary sábıdiń bolashaǵyna aq jol tilep, tusaýyn kessin.
Shashý shashylyp, jurt kóńildenedi.
1 - shi júrgizýshi: Al, qurmetti halaıyq! Qazaq halqynyń barlyq toıy, salt - dástúri án men jyrsyz ótpegen. Aýyldyń alty aýyzyn, sizderden suraıyq. Qane, kimniń toıǵa ánmen shashý shashpaq oıy bar?
Ásem men Qymbattyń oryndaýynda “Qazaqtyń salt - dáctúrleri” áni
2 - shi júrgizýshi: Kelesi kezekti «Baqytty aýyldyń» jastaryna bereıik, oı - pikirin tyńdaıyq.
1 - oqýshy: Men ultymnyń salt - dástúrin qurmetteımin, sebebi ol - men úshin úlken tárbıe besigi.
2 - oqýshy: Salt - dástúr - qazaq halqynyń kúdelikti ómirimen baılanysty, ony bólip alý múmkin emes dep oılaımyn.
3 - oqýshy: «Anasyn kórip, qyzyn al, aıaǵyn kórip asyn ish...» demekshi, ana tárbıesi men úshin basty baǵyt - baǵdar.
4 - oqýshy: «Áke kórgen oq jonar...» degendeı, áke tárbıesiniń erekshe máni bar, jaýapty is.
5 - oqýshy: Júregi ımandy, adamgershiligi joǵary, bilimdi qazaq qyzyn - eń sulý qyz dep baǵalaımyn.
6 - oqýshy: Úlkendi - qurmetteý, kishige - izet kórsetý - bizdiń adamgershilik mindetimiz.
1 - shi júrgizýshi: Biz jahandaný zamanynda bilim nárimen sýsyndaǵan, ulttyq tárbıeni boıyna sińirgen, óz otanyn súıetin, eline qyzmet etetin, bolashaqta úlken maqsattarǵa jetetin jastar bolyp qalyptastyq.
2 - shi júrgizýshi: Qurmetti ustazdarymyz! Bizge bergen sheksiz tárbıelerińiz ben bilim nárimen sýsyndatqan eńbekterińizge alǵys aıtamyz.

Ónerimiz, ózderińizge arnalady, qurmetti ata - analar men ustazdarymyz!
*Ádemi án men kúmbirlegen kúıge kezek beremiz.
*«Qara jorǵa» bıin bıleý.