InfoHub Logo

Taqyryby: “ Ata saltyń – halyqtyq qalpyń ”
Maqsaty: Jas urpaqqa ata – babalarymyzdan amanat bolyp qalǵan salt – dástúrin nasıhattaý, úlgi etý, kórsetý, úıretý.
Keshtiń túri: Saıys
Kórnekiligi: Taqyrypqa baılanysty jazylǵan plakattar, ulttyq oıý – órnekter, tós belgiler.

Keshtiń barysy:
İ. Kirispe sóz
İİ. Saıysqa qatysatyn toptardy ortaǵa shaqyrý
İİİ Ádil qazylar alqasyn saılap alý
İV. Saıys sharttarymen tanystyrý
Tanystyrý / Emblema
Án
Tıym sózder
Bı
Vıktorınalyq suraqtar
Kórinis
Oıý oıyp berý
Qorytyndy

Ata baba qanyna sińgen
Jaqsy ádep, saltyńdy bilgen
Saltyńdy bilgen - halqyńdy bilgen
Yntamen ony kel sende úıren!
Ár halyqtyń ózindik oıyn saýyǵy, dástúri, ǵurpy, salty bar. Bular talaı ǵasyr jemisi. Qazaqta ádet - ǵuryp, salt kóbine án, óleń – jyr arqyly beınelenedi.

1 - Júrgizýshi.
Týǵanda dúnıe esigin ashady óleń
Óleńmen jer qoınaýyna kirer deneń,
Ómirdegi qyzyǵyń bári óleńmen
Oılansańshy bos qaqpaı eleń – seleń
- dep uly aqyn Abaı aıtqandaı, halyqtyń búkil tirshiligi óleń jyrǵa arqaý bolǵan.

2 - Júrgizýshi
Jaqsy kórip dástúrin, saltyn,
Kúıin tartyp qalyqtatqan án qanatyn
Saıyskerler ónerin kórińizder,
Halqynyń baptaı bilgen izgi saltyn.
Ortaǵa saıysqa qatysatyn “ Murager” men “Qyran” tobyn ortaǵa shaqyramyz.

Eki top ózderin tanystyryp ótedi. Endigi kezek saıys túrlerine beriledi.
Tanystyrý. ( Emblema)

1 - Júrgizýshi:
Qulaqtan kirip boıdy alar
Ásem án men tátti kúı,
Kóńilge túrli oı salar
Ándi súıseń menshe súı, - degendeı Abaı atamyz, endigi saıys án kezegine beriledi.

2. Án saıysy. ( 2 toptan bir - birden shyǵady )
“Naýryz aıy týǵanda”
“ Qazaqtyń dastarhany”
Babamyzdan qalǵan qandaı yrym – tıym sózderdi bilesińder?
1 mın. Eki top tez aıtyp shyǵýlary kerek)
2 - Júrgizýshi:
Tıym sózder ata - baba ulaǵaty.
Mysaly: Esikti kerme.
Aqty tókpe.
Úıge qaraı júgirme.
Maldy teppe. t. b

1 - Júrgizýshi: Jadyrap mańdaıynan tań atqandaı,
Janary tunyq syryn taratqandaı
Qazaqtyń bı ónerin aspandatqan
Qımyly arýlardyń ǵajap qandaı

Endi kezek bıge beriledi.
Bıshiler: 1. Taıkenova Dınara “ Qazaq” bıi
2. Shalova Jazıra “Qazaq” bıi.

2 - Júrgizýshi: Syrlary kóp ǵylymnyń,
Sheshilmegen áli de
Tereńdigi bilimniń,
Kerek eken bárine, - dep
Farıza Ońǵarsynova apaıymyz aıtqandaı, eki toptyń bilimderin synap kóreıik.
Bilim saıysynda mynadaı suraqtarǵa jaýap berýleri kerek

Suraqtar:
Qazaqsha jyl ataýlaryn retimen ata?
At ábzelderin ata?
Kıiz úıdiń jıhazdaryn ata?
Qandaı ulttyq kıimderdi bilesińder?
Toı ústindegi ulttyq oıyndardy ata.
Úı - jıhazdaryna baılanysty qandaı taqpaq, óleń bilesiń?
Qandaı ulttyq taǵamdardy bilesiń?
Qandaı ulttyq aspaptardy bilesiń?
Jeti atańdy ata?
Jeti kúndi ata?

1 - júrgizýshi: Árbir top ózderi daıyndap kelgen kórinisterin qoıady
2 - júrgizýshi: “ Oıý oıǵannyń oıy ushqyr” degendeı arýlarymyz oıý - órnegin kórsetedi.
Segiz qyrly, bir syrly,
Bizdiń qyzdar ónerli
Saýsaqtary maıysyp,
Meńgerip te alypty
Oıý syndy – ónerdi.
Ár toptan eki bala shyǵyp, oıý oıyp beredi.
“Dástúr jalǵasy” án oryndalady

Qorytyndy:
Júldeger topty anyqtaý.
Keshtiń ádil - qazylar alqasyna sóz berý.
Eki toptyń saıysynyń qorytyndysyn shyǵarý
“Qyran” toby - 31 bal, “Murager”toby - 32 bal jınady.
Kesh sońy bımen ulasty.