InfoHub Logo

Sabaqtyń taqyryby: Ózbek halqynyń ulttyq kıim úlgileri.
Sabaqtyń maqsaty:
1. Oqýshylarǵa ózbek halqy, ózbek halqynyń ulttyq kıim úlgileri týraly túsinik berý, jumystyń oryndalý tásilin úıretý.
2. Oqýshylardyń ónerge degen qushtarlyǵyn, shyǵarmashylyq qabiletterin, kórkemdik sheberligin damytý. Sabaqta qaýipsizdik tehnıkasy men tazalyq gıgıenalyq talaptaryn oryndatý.
3. Oqýshylardy uqyptylyqqa, únemdilikke, talǵampazdyqqa, iskerlikke, ózge ultty syılaýǵa tárbıeleý.
Sabaq túri: Jarys sabaǵy.
Toppen jumys.
Sabaqtyń ádis - tásili: toppen jumys, kórnekilik, praktıkalyq, oıyn.
Sabaq kórnekiligi: Qaıshy, kleı, syzǵysh, qalam, túrli tústi qaǵazdar,
Interaktıvti taqta, elektrondy oqýlyq, beınetaspa, qıma áripter, qaǵazdan jasalǵan qýyrshaqtar.
Sabaqtyń barysy:
İ. Uıymdastyrý kezeńi.
a) psıhologıalyq ahýal.
Qane, qatar - qatar túzelip,
Oqýshyǵa laıyq.
Qolymyzdy jiberip, túp - túzý turaıyq.
Birinshi qatar jaı otyr
Ekinshi qatar sen de otyr.
á) úı jumysyn tekserý.
İİ. Qyzyǵýshylyqty oıatý.
1.«Sóz oıla, tez oıla» oıyny.

Ár toptyń aldynda shashylǵan áripterden sóz, sóz tirkesin qurastyrý.
İ top: ZQAQATSAN QAZAQSTAN
İİ top: PÓKTTULY KÓP ULTTY
İİİ top: MEMKETLE MEMLEKET
- Sózderden sóılem qurǵyzý.
QAZAQSTAN – KÓP ULTTY MEMLEKET. (7 - slaıd)
- Sóılemniń maǵynasyn ashý. (Oqýshylardyń oıyn tyńdaý, jaýaptaryn tolyqtyrý)

2. «Sáıkestigin tap» oıyny (8 - slaıd)
Ár sýrettiń astynda san turady. Oqýshylar sol sanda turǵan kıim qaı ulttyń kıimi ekenin anyqtaý kerek. Mysaly, Ýkraın - 4, t. s. s.)
Qazaq -?
Orys -?
Ýkraın -?
- Sáıkestiksiz qalǵan kıim qaı ulttyń kıimi dep oılaısyńdar?
- Endeshe búgingi sabaǵymyzdyń taqyryby qandaı bolmaq?
(Sabaqtyń maqsatymen tanystyrý)

İİİ. Jańa sabaq
1. Ózbekstan Respýblıkasy týraly shaǵyn málimet berý. (Muǵalimniń sózi, 14 - 19 - slaıdtarmen kórsetiledi)
2. Ózbek halqynyń ulttyq kıimi týraly áńgimeleý (20 - 22 - slaıdtar)
Erler - shapan, jeıde, shalbar, belbeý.
Áıelder – sham matadan tigilgen kóılek, shapan kıedi.
Bas kıim erlerde – taqıa, jún qalpaq.
Áıelderi – oramal, taqıa.

İV. Oqýlyqpen jumys.
- Mátindi kúbirlep oqytý.
- Mátinde ne týraly aıtylǵanyn suraý.
- Qandaı órnekterdi paıdalanady eken?
- Burysh, mındal órnekteri neni bildiredi?
V. Sergitý sáti.
Oqýshylar beınetaspaǵa qarap, ózbek halqynyń bıin qaıtalap bıleıdi.

Vİ. Praktıkalyq kezeń.
1. Qaýipsizdik erejesin elektrondy oqýlyqtan tyńdaý.
2. Ár topqa qýyrshaq maketin berip, ózbek halqynyń ulttyq kıimin jasap, qýyrshaqtaryn kıindirý tapsyrylady. Toptaǵy ár balaǵa jeke jumys beriledi.(26 - 27 - slaıdtar)
1 - bala: Qyzdyń kóılegin jasaıdy
2 - bala: Qyzdyń shalbaryn jasaıdy
3 - bala: Qyzdyń taqıasy men aıaq kıimin jasaıdy
4 - bala. Uldyń shapanyn jasaıdy
5 - bala: Uldyń shalbaryn jasaıdy
6 - bala: Uldyń taqıasy men aıaq kıimin jasaıdy

Vİİ. Refleksıa
1. Ár top bir - biriniń jumysyn taldaý jasap, baǵa beredi.
3 toptyń oqýshylaryn uıymdastyra otyryp qorytyndy jasap baǵalaımyn. «Óte jaqsy», «jaraısyńdar», «jaqsy», «bárekeldi».
2.«Venn dıagramsyn» qurý.
Qazaq halqy dostyq Ózbek halqy

3. «Dostyq, eńbek» týraly maqal - mátelmen sabaqty aıaqtaý.
Vİİİ. Úıge tapsyrma «Elder dostyǵy» taqyrybyna esse jazý.