Atyraýdaǵy qurylysy uzaqqa sozylǵan balabaqsha Saǵyntaevtyń shamyna tıdi
Búgin Úkimet otyrysynda Premer-Mınıstr Baqytjan Saǵyntaev Atyraý oblysynyń ákimi Nurlan Noǵaevqa óńirdegi balabaqsha qurylystary barysyn jeke baqylaýǵa alýdy tapsyrdy.
«2004 jyldan beri sizde birde-bir balabaqsha berilmepti, buǵan qosa, 2 mekteptiń qurylysy aıaqtalmaǵan. Nege?», - dep surady Úkimet basshysy N.Noǵaevtan.
Bul rette oblys basshysy Atyraý óńirinde 3 problemaly másele bar ekendigin moıyndady. «Onyń biri «Nursaıa» shaǵynaýdanyndaǵy mektep. Biz ony kelesi jyly paıdalanýǵa beremiz. 2014 jyldan beri kele jatqan ekinshi másele - bul jumystardyń sapasyz júrgizilýine baılanysty balabaqshalardyń paıdalanýǵa berilmeýi. Biz bul nysandy da taıaý ýaqytta berýdi josparlap otyrmyz. Sonymen qatar Maqat aýdanyndaǵy mektep qurylysyn da osy jyly aıaqtaımyz. Turǵyn úı qurylysy boıynsha ınjenerlik-kommýnıkasıalyq ınfraqurylym júrgizildi. Barlyq qarjy ıgerildi», - dedi N.Noǵaev.
Munan bólek, ol qazirgi ýaqytta oblysta 44 kópqabatty jáne 15 bir qabatty turǵyn úıdiń qurylysy josparǵa sáıkes júrgizilip jatqanyn aıtty.
Osy rette B.Saǵyntaev oblys ákimine bul máselelerdi sheshýdi ári óńirdegi balabaqshalar qurylysyn óz baqylaýyna alýdy qatań tapsyrdy.
«Bir balabaqshanyń qurylysy úsh jyl boıy nelikten aıaqtalmaı otyr? Nege baqylaý joq. Sizge osyǵan nazar aýdarýyńyzdy ótinemin», - dedi Úkimet basshysy.
You Might Also Like
-
Búgin Úkimet otyrysynan keıingi brıfıńte QR bilim jáne ǵylym mınıstri Erlan Saǵadıev 2017 jyly Ulttyq biryńǵaı testileýge engiziletin jańalyqtardy túsindirip berdi.
-
Qazaqstanda balabaqshamen qamtýdy 15-20 paıyzǵa kóbeıtýge múmkindik beretin 2 norma daıyndalýda. Bul týraly búgin QR Úkimeti otyrysynda elimizdiń Bilim jáne ǵylym mınıstri Erlan Saǵadıev aıtty.
