Qazaqstanda balabaqshamen qamtýdy 15-20 paıyzǵa kóbeıtýge múmkindik beretin 2 norma daıyndalýda
Qazaqstanda balabaqshamen qamtýdy 15-20 paıyzǵa kóbeıtýge múmkindik beretin 2 norma daıyndalýda. Bul týraly búgin QR Úkimeti otyrysynda elimizdiń Bilim jáne ǵylym mınıstri Erlan Saǵadıev aıtty.
«Respýblıkalyq, jergilikti búdjet jáne Ulttyq qor qarajaty esebinen aǵymdaǵy jyly 49 balabaqsha salynyp, jekemenshik 438 balabaqsha jáne shaǵyn ortalyq ashyldy. Iaǵnı, jekemenshik sektor kómek kórsetip otyr. Ol óte qýanyshty»,- dep atap ótti E.Saǵadıev.
Osy rette mınıstr balabaqsha qurylysy boıynsha búdjetke kúsh túsirmeý jáne jekemenshik áriptestikti damytý maqsatynda qolǵa alynǵan jumys josparlarymen de bólisti.
«Birinshiden, jańa sanıtarlyq, qurylys normalaryn daıyndap, ózgerister engizemiz. Bul eki normamyz daıyn. Ol balabaqshamen qamtýdy 15-20 paıyzǵa kóbeıtýge múmkindik týǵyzady. Ekinshiden, bıyl respýblıkalyq búdjetten qosymsha 35 myń orynǵa memlekettik tapsyrys beretin bolamyz», - dedi ol.
Sonymen qatar E.Saǵadıev qazirgi ýaqytta 3 jyldyq búdjettik prosesterge sáıkes jergilikti ákimdiktermen «Balapan» baǵdarlamasy boıynsha balabaqshadaǵy oryndarǵa memlekettik tapsyrysty 3 jylǵa ornalastyrý múmkindigi qarastyrylyp jatqanyn aıtty. «Búgingi tańda memlekttik tapsyrys bir jylǵa ǵana beriledi», - dedi Bilim mınıstri.
You Might Also Like
-
Búgin Úkimet otyrysynda Premer-Mınıstr Baqytjan Saǵyntaev Atyraý oblysynyń ákimi Nurlan Noǵaevqa óńirdegi balabaqsha qurylystary barysyn jeke baqylaýǵa alýdy tapsyrdy.
-
Ústel tenısi óte keń taraǵan oıyn. Bul ústel tenısiniń sporttyq jáne qozǵalys oıyndary retinde asa kóp materıaldyq shyǵyndy jáne sporttyq jarystarda, jattyǵýlarda asa kóp oryndy talap etpeıdi. Son...
