InfoHub Logo

Búgin Úkimet otyrysynan keıingi brıfıńte QR bilim jáne ǵylym mınıstri Erlan Saǵadıev 2017 jyly Ulttyq biryńǵaı testileýge engiziletin jańalyqtardy túsindirip berdi.

«Qazir UBT boıynsha túpkilikti joba áli joq. Ol pedagogıkalyq qoǵamdastyq talqylaýyna usynylady. Jalpy, joba talqylaýǵa daıyn tur. Ol mektepterde birneshe pánnen túlekterdiń emtıhan tapsyrýyna qarastyrady. Al UBT  jalǵyz ǵana, suraqtar qurylymy ózgeriske ushyraıdy», -  dedi ol.

Onyń naqtylaı túsýinshe, jobada 100-den astam suraqtyń bolýy kózdelgen.

«Onyń 60 suraǵy matematıkaǵa, jyldam oqýǵa, túsinýge qatysty bolady. Ol barlyǵyna da birdeı. Talapkerdiń bolashaqta tańdaıtyn mamandyǵyna qatysy bar 60 suraq  30 suraqtan 2 blogqa bólingen.  Eger shartty túrde aıtar bolsaq, túlek medısınaǵa túsetin bolsa, onda ol 60 standartty suraqqa jaýap beredi. Onyń 30 suraǵy bıologıaǵa, al kelesi 30-y hımıaǵa qatysty. Upaı jınaıdy. Qalǵan prosedýra aıtarlyqtaı ózgerissiz qalady»,-  dedi E.Saǵadıev. 

Onyń sózine qaraǵanda, bul joba qazigi ýaqytta tolyqtaı daıyn jáne pedagogıkalyq qoǵamdastyqtyń shaǵyn bóligine talqylaýǵa berilgen.

«Talqylanǵannan keıin biz jobany QR BǴM saıtynda jarıalap, pikir qabyldaı bastaımyz», - dedi mınıstr.

---