InfoHub Logo

Aýylyn kórip,

Azamatyn tany.

Qashan da halqymyz úshin aýyl-rýhanıatymyzdyń temir-qazyǵy, ulttyq qundylyqtarymyzdyń altyn besigi, bereke men baılyǵymyzdyń bastaýy ekeni daýsyz. Aýyldyń taza aýasyn jutyp, tunyq sýyn iship, kórkem tabıǵatynan qýat alyp ósken árbir azamat ózi týǵan topyraǵyn barynsha qadirlep-qasterleýge tıis. Tórt túligin túletip, egisin jaıqaltyp, sharýasyn órge súırep otyrǵan aýyl- bútin bir eldiń asyraýshysy, qaınaǵan eńbektiń jáne ulttyq rýhanıattyń qaınar kózi ispettes.

Osyndaı úlgili de, qadirli mekenge ózimniń aýlymdy esh oılanbastan jatqyza alamyn. Meniń týyp-ósken jerim-SHyǵys Qazaqstan oblysy, Kúrshim aýdany, Býrabaı aýyly. Tabıǵaty  ózge jerden tym erekshe, adamdary da aqkóńil,  únemi tynym  tappaıtyn eńbekqor, qonaqjaı , bir úıdiń adamdary sıaqty yntymaqshyl halyq. Biri úshin bári júgirip júredi. Jaz bolsa óriste mal jaıyp, kúz kelse egin jıyp, kóktemde jas tólderimen álektenedi. Úlkender qaýymy jastarǵa bar bilgenderin úıretip, kómektesip, kem-ketigimizdi jóndeýge ázir. Bizge kóneniń kózimen kóp nárse úıretedi.

Aýyl-qazaqtyń tól besigi. Bul da tarıhtyń bir qoınaýy. N. Á. Nazarbaev « Tarıh-ótkenniń sabaǵy, aldaǵynyń keıingige ónegesi»-degen bolatyn. Qazir qalada júrsemde, boıymdaǵy aýyldyń topyraǵynan sińgen, ájem men anam úıretken izgi qasıetterdi aýylǵa tastap kettim.  Nelikten?  ne sebepti   týǵan aýylymdy bir sátke qalamen aıyrbastap kettim? Sebebi, birinshiden, shyr etip ómirge kelgennen bastap men týǵan aýylymnan jyraqtap alys jerge ketken emespin. Ekinshiden, meniń minezim óte tuıyq, jat eldermen aralasýym otbasyma biraz qıynshylyqtar ákeldi jáne ata-anam meniń bolashaǵymdy oılap,  qala tártibin úırenýge, ár túrli adamdarmen aralasýymdy qalady.  Úshinshiden aýyl mektebinde pán muǵalimderiniń jetkiliksiz bolýynan aǵylshyn, orys tilderin meńgerý úshin, qalada oqýyma týra keldi. Mine sol sebepti aýyldy qımastyqpen  artqa tastap, qazir Rıdder qalasyndaǵy «Shańyraq» mektebinde bıyl 11- synypqa aıaq bastym. Degenmen aýylymdy óte qatty saǵynamyn. Aýyldyń ıisi, tútini, topyraǵy bári men úshin asa qymbat.  Qazaqta « Balanyń ósken besigi- keń dúnıeniń esigi» dep tekke aıtylmaǵan. Meniń balalyq júregimde, aýylǵa degen-saǵynysh, ystyq mahabbat jatyr. Qansha alysta júrsemde júregim tek aýyl dep soǵyp turady.

Qorytyndylaı  kele, aýyl- taǵylymy tálim-tárbıeniń ordasy.  Qazaqy qasıetter aýyldan bastaý alady. Mine, sondyqtan da aýyl qamqorlyqtan, kómekten kende qalmaýy kerek. Qoldan kelse aýyldy kórkeıtip gúldendireıik. «Gúldense aýyl-gúldenemiz bárimiz» deıtin Beıimbet sózi áli de mán-maǵynasyn joıǵan joq. Aýyl ajarlansa- qazaqtyń da  mańdaıy jarqyraǵany

Rıdder qalasy

«Shańyraq» kópsalaly mektep-gımnazıa

komýnaldyq memlekettik mekemesiniń

11 «A» synyp oqýshysy Aqqazınova Nazerke

---