InfoHub Logo

Aýyz ıisi ózimizdiń de jáne aınalańyzdaǵy adamdardyń da mazasyn qashyratyn jaǵymsyz jaǵdaı. Adamnyń ózine degen senimin ketiretin, psıhologıalyq qaterlerge de aparýy múmkin keleńsizdik. Bul turǵyda mamandardyń keńesterine qulaq túreıik: Silekeı bezderi silekeı bólip shyǵarý jáne bul suıyqtyqtardy aýyz ishine jetkizý qyzmetin atqarady. Kún ishinde azyq alynýynyń azaıýy (ashtyq), sýsyzdyq sekildi sebeptermen aýyzdaǵy silekeı mólsheri azaıýy múmkin. Sondaı-aq silekeı bóliný úrdisi uıqy kezinde toqtaıdy. Aýyzdaǵy silekeı azaıǵan kezinde aýyz ózin tazalaý úshin qajetti suıyqtyqty taba almaıdy. Osy sebepti ásirese tańerteńgisin uıqydan turǵanda aýyz ıisi paıda bolýy múmkin. Qant dıabeti, qan azdyǵy, qyzý kóterilýi sekildi aýrýlar men keıbir dári túrleri de silekeı bólinýin azaıtatyn sebepter qataryna jatady. Sondaı-aq aýyz ishinde paıda bolǵan ınfeksıa jáne asqynǵan tis eti aýrýlary da aýyz ıisiniń sebepkeri bola alady. Aýyz ıisin ketirýde sýdyń áseri mol. Túrli sebepterge baılanysty azaıǵan silekeı mólsherin qalypty jaǵdaıǵa keltirýde sý ishýdiń mańyzy zor. Kúnine shamamen 2 lıtr sý tutyný tis saýlyǵyn qorǵaýǵa jáne silekeıge qatysty aýyz ıisiniń aldyn alýǵa kómekshi bolady. Kúndelikti tis tazalyǵyna mán berý kerek. Til – qatparly qabattaryna baılanysty bakterıalardyń ońaı ornyǵatyn mekenge jatatyndyqtan, tispen qatar tildi de tazalaý aýyz ıisin ketirýde mańyzdy. Qoıý shaı, kofe jáne táttilerdi tutynýdy azaıtyp, ásirese spırtti ishimdikter men temekiden aýlaq bolý kerek. Tistegi shirikter, keıbir tis eti aýrýlary, eski tis kópirleri men koronkalary da aýyz ıisine sebepker bolatyndyqtan bulardy maman dárigerlerge kórsetip emdep, jóndeý qajet.    

 

Oqýǵa keńes beremiz:

Aýyz qýysynyń tazalyǵy

---