InfoHub Logo

S.Toraıyrov atyndaǵy Pavlodar memlekettik ýnıversıtetinde bıylǵy jyly 1 qazan kúni shetelden bilim alýǵa kelgen qazaq balalaryna arnalǵan daıyndyq kýrsy bastalady, dep habarlaıdy pavlodarnews.kz.

 PMÝ daıyndyq fakúltetiniń dekany Sáýle Kisembaevanyń aıtýynsha, atalmysh baǵdarlama QR Bilim jáne ǵylym mınıstrliginiń arnaıy jospary boıynsha júzege asyrylýda. Bıyl munda Qytaı, Ózbekstan jáne Mońǵolıa elderinde turatyn qazaq balalary qabyldanady. Daıyndyq kýrsy 2017 jyldyń shilde aıyna deıin jalǵasady.

«Maýsym aıynda Mońǵolıanyń Baıan-Ólgeı jáne Qobda aımaqtarynda bolyp, sol jaqta turatyn qandastarymyzǵa úgit-nasıhat jumystaryn júrgizdik. Sonymen qatar, Qytaı jáne Ózbekstan elderinde turatyn  qazaq jastaryna buryn osynda oqyǵan túlekter arqyly shaqyrtý jiberdik. Sebebi ol jaqqa barýǵa múmkindigimiz bolǵan joq. Bir Mońǵolıanyń ózinen 170-ke jýyq bala tirkelgen bolatyn. Biraq bizge synaqtan ótkenderi ǵana keledi. Synaqty Astanadaǵy Ulttyq testileý ortalyǵynyń mamandary aldy. Oqý baǵdarlamasy boıynsha olar qazaq tili, orys tili, aǵylshyn tili, Qazaqstan tarıhy, matematıka pánderi boıynsha daıyndalady da, kelesi jyly keshendi testileýge qatysady. Stýdentter tegin jataqhanamen qamtylatyn bolady», - deıdi Sáýle Kisembaeva.

Aıta keterligi, byltyr S.Toraıǵyrov atyndaǵy PMÝ-da daıyndyqtan ótken shetelden kelgen 25 túlek elimizdiń joǵary oqý oryndaryna túsken.

Bıyl Qazaq elinde bilim alǵysy keletin qazaq jastarynynyń sany byltyrǵydan úsh esege artyp otyr. 

---