InfoHub Logo

Sabaqtyń taqyryby: A. Baıtursynuly «Adamdyq dıqanshysy» óleńi
Maqsaty: A. Baıtursynulynyń ómir joly men shyǵarmashylyǵyn, óleńniń mazmunyn ashý, avtor beınesin tapsyrmalar arqyly anyqtaý.
Ádis - tásilderi: «Bes qadam», «Mıǵa shabýyl», «Venn dıagramsy», qalyptastyrýshy tapsyrmalar

Kirispe
Ádebıet sabaǵynan 5 synypqa jańartylǵan bilim berý mazmuny boıynsha ashyq sabaq ótkizdim. Sabaǵymdy bastamas buryn oqýshylardyń sabaqqa daıyndyǵyn baqylaý maqsatynda suraqtarǵa jaýap aldym.
Árbir adam... (týysym, dosym, juraǵat)
Árbir sabaq... (úırený, uǵý, ulaǵat)
Árbir isim... (tirlik, tirek, adamdyq)
Árbir sózim... (shyndyq, birlik, adaldyq)
Osy suraqqa jaýap bergen soń synypty 3 túrli tústi stıkerler arqyly topqa bóldim. Toptar 1, 2, 3, topshalarǵa bólindi.
Top múshelerinen úı tapsyrmasyn eske túsirý maqsatynda «Bes qadam» ádisin qoldandym. Ár toptan bir oqýshy ortaǵa shyǵady, oqýshyǵa bes suraq qoıylady, ár suraqqa jaýap berse bir qadamnan alǵa jyljyp otyrady. Eger suraqqa jaýap bermese sol ornynda qalady.
1. A. Baıtursynuly neshinshi jyldar aralyǵynda ómir súrdi?
2. Qandaı jınaqtary bar?
3. Mysaldaryn ata?
4. Shyǵarmalarynyń maqsaty?

Kelesi kezekte jańa sabaqty bastamas buryn beınebaıan kórsetildi. «Adamdyq dıqanshysy» óleńin tyńdatyp bolǵan soń, oqýshylar óleńdi jatqa aıtyp beredi. Kelesi eki top músheleri mánerlep oqydy. Osy óleńdi negizge ala otyryp 3 topqa 3 tapsyrma berildi.
1 - topqa: A. Baıtursynulynyń beınesin ashý.
2 - topqa: «Adamgershilik» sózine klaster qurastyrý.
3 - topqa: «Venn dıagramsy» Asyl, jasyq degen sózdi salystyrý, ortaq qasıetin tabý.

Ár top músheleri topqa berilgen tapsyrmalardy oryndap, ortaǵa shyǵyp qorǵap berdi.
Óleńdi negizge ala otyryp, toptarǵa suraqtar qoıyldy, suraqtardyń jaýaptaryn ózderiniń oılaryn qosyp, málimetter keltire otyryp jaýap berdi.
1. Óleńdegi adamdyq dıqanshysy, adaldyq nuryn sebýshi kim?
2. Aqyn kimge qyzmet etýdi qalaıdy?
3. Adamnyń qandaı qasıetterin kórsetpek bolǵan?
4. «Jasyq bolmaı, asyq bol» degendi qalaı túsinesińder?

Kelesi kezekte óleń joldaryndaǵy sózdermen jumys júrgizildi. Maǵynasyn aıtyp, dáptermen jumys júrgizdi. Dápterlerine jazyp aldy.
Dıqanshy - eginshi, egin kásipkeri
Zeınet - eńbek rahaty, jemisi, ıgilik
Beınet - azap
Jasyq - 1) semiz emes, óte aryq et;
2) jigersiz, ynjyq, byljyr.

Sabaǵymyzdy ary qaraı «Sýretter sóıleıdi» ádisimen jalǵasty. Sýretter kórsetiledi ne týraly ekenin aıtyp, búgingi kúnmen salystyrady. Top músheleri ózderiniń oılaryn aıtyp shyqty.

Osydan kelip shyǵatyn maqal – máteldermen «Beınet túbi - zeınet» dep qorytyndylady.

Ary qaraı sergitý sátinde óleń joldaryn hormen aıta otyryp, is - áreketpen, is - qımylmen kórsetti.
Mynaý - meniń júregim,
Bári osydan bastalǵan.
Mynaý - basym aqyldy,
Bárin osy basqarǵan.
Mynaý - meniń oń qolym,
Mynaý - meniń sol qolym,
Barlyq isti atqarǵan.

Pán muǵalimi: G. B. Djýrkabaeva
Ahmet Baıtursynuly «Adamdyq dıqanshysy» óleńi. júkteý