InfoHub Logo

Áı, jigitter, jigitter!
Maqsaty: Ata saltyn nasıhattaı otyryp, naǵyz qazaq jigitiniń boıyndaǵy qasıetterimen tanystyrý.
Ár balanyń boıyndaǵy qabiletterin: oılaý, ár túrli jaǵdaılardan shyǵa bilý, ónerin kórsetý, tapqyrlyq, sahna mádenıetin qalyptastyrý, damytý. Elin, jerin, halqyn súıetin azamat bolýǵa, batyrlyqqa, sheshendikke, tapqyrlyqqa tárbıeleý.

Júrgizýshi: Armysyzdar, ustazdar, baldyrǵandar!
Bolashaqtyń juldyzy bıik samǵar.
Bilimpaz bop árqashan maı kúnindeı,
Nurly júzben árqashan jadyrańdar.
Qutty bolsyn meıramyń, qýanyshyń,
Oryndalsyn arman tilek suranysyń
Taýsylmasyn yryzdyq nesibesi
Bizdiń myna jigitterge qol soǵylsyn.

Quttyqtaý sóz:
Búgingi 7 mamyr merekeleriń qutty bolsyn. Senderge zor densaýlyq, mol baqyt tileımiz. Sabaqtaryńdy jaqsy oqyńdar.

Júrgizýshi: Endi keshimizdiń baǵdarlamasymen tanystyryp óteıik.
• «Tanystyraıyq ózimizdi» (tanystyrý)
• «Segiz qyrly bir syrly» (óz ónerin kórsetý)
• «Kúsh atasyn tanymas» (kúsh synasý)
• « Sheberdiń qoly ortaq» ( qolóner sheberligi)
• «Eskirmeıtin esti sóz» (suraqqa jaýap)
Júrgizýshi: Eı, tákappar dúnıe,
Maǵan da bir qarashy.
Tanımysyń sen bizdi
Biz qazaqtyń balasy – dep aqyn aǵalarymyz jyrlaǵandaı tanystyrýǵa kezek berelik.

Qyzdardyń bıin tamashalańyzdar.
Júrgizýshi: Kósem jigit – el basqaratyn jigit,
Sheshen jigit – daý sheshetin jigit
Batyr jigit – eline qamqor jigit
Seri jigit – attyń júırigin minip, ıttiń alǵyryn ertip, myń qubyltyp án salyp, kúmbirlete kúı tartatyn ónerli jigit.
Olaı bolsa seri jigitterimizdiń ónerin tamashalaıyq.

Júrgizýshi: Er óneri bilinbes,
Qoıan qoltyq alyspaı.
Kúsh óneri bilinbes
Báıgege túsip jaryspaı – degendeı jigitterimizdiń kúshterin synaıyq.

Júrgizýshi: Jigittiń kórki óneri
Talap – kisi muraty.
Óner qalmaq artynda
Dúnıeniń óshpes shyraǵy.
Endigi kezekti qolónerge bereıik.
Kelesi taǵy qyzdar bıi.

Júrgizýshi:
Eı, jigitter!
Senderge bıik ata – saltyn qurmettep,
Aqtaı bilseń ata – baba úmitin,
Árbir sózi – tálimi mol bir mektep.
Jigitterimizdiń ónerlerin, mergendikterin tamashaladyq. Endi aqyl – oı tereńdigin, oı ushqyrlyǵyn sarapqa salaıyq. Jigitterimiz suraqqa jaýap bersin.

Suraqtar:
1. Doptyń ortasynda ne bar?
2. Ústel ústinde 3 stakan sý tur, Álıa sýdy iship qoıdy. Neshe stakan qaldy?
3. Terekte 5 almurt ósip tur. 2 almurt túsip qaldy, neshe almurt qaldy?
4. Bir bala mektepke bara jatqanda oń jaǵyńda 20 úı boldy, qaıtqanda sol jaǵynda 20 úı boldy. Barlyǵy neshe úı?

5.
«Temeki» degen sózdi syıǵyz.
6. Boranda taý yq bola ma?
7. Jigitke neshe óner az?
8. Jaqsy jigit neniń kórki?
9. Bizdiń synybymyzda neshe oryndyq bar?
10. H2O neni bildiredi?
11. Ot basynda qumǵan,
Eki kózin jumǵan. Jumbaqtyń sheshýin taýyp, daýysyn sal.
12. Erte turady,
Jar shaqyrady. Jumbaqtyń sheshýin tabý.

Júrgizýshi: Bul kezekti taǵyda
Qyzyqty oıynǵa bereıik.
«Alma tisteý» oıyny.
Oıyn sharty: İlinip turǵan almany qol tıgizbeı jeý kerek.

«Otyrý» oıyny
Oıyn sharty: Árkim óz oryndyqtaryn taýyp otyrý kerek.
Júrgizýshi: Qutty bolsyn búgingi meıramdaryń,
Oryndalsyn árbir maqsat – armandaryń
Árqashanda júzderińnen kúlki ketpeı,
Sabaqtaryńdy tek jaqsyǵa oqyǵaısyń! – dep keshimizdi aıaqtap, syılyǵymyzdy tabys etýge ruqsat etińizder.
Júrgizýshi: Keshimizdi bımen aıaqtaıyq.