InfoHub Logo

«Aıaýly ana - balladasy Álemniń» atty 8 naýryz Halyqaralyq Áıelder kúnine arnalǵan merekelik kesh

Aqtóbe oblysy Shalqar qalasy «№1 mektep-gımnazıa» KMM
Uıymdastyrýshy pedagog, aǵa tálimger Qudaıbergenova Aqtolqyn Saǵıtjanqyzy
Mýnaıtbasova Jýldyz Temırhanovna

FANFAR.
İ júrgizýshi:
Qadirleıik qashanda ótken beldi,
Armanyna asyǵyp jetkenderdi,
Jany nurly barsha jan quttyqtaımyz
Kóktem keldi dalama kóktem keldi!...

İİ júrgizýshi:
Qalmaıdy mundaı kúnder bir eskirip,
Sózden – jyr, tilden – tilek úlestirip,
Qýan jurtym, kóktem keledi qanatyna,
Analardyń merekesin ilestirip!..

İ júrgizýshi:
Osy jandar – bizder úshin qyryq baq,
Tabıǵattyń barlyq syıyn suryptap,
Óleń –jyr men án aıtaıyq jigitter,
Analardyń portretin ulyqtap!..

İİ júrgizýshi:
Asyl jandar, názik jandar – baıqaıyq,
Mynaý keshten máre-sáre qaıtaıyq,
Analarǵa aq tilekti endeshe,
Tek shynaıy shyn júrekten aıtaıyq!?

İ júrgizýshi:
Qurmetti Ustaz - Analar, ardaqty da aıaýly asyl jandar, qyr gúlindeı jaınaǵan qyzǵaldaq arý qyzdar! Sizderdi izgilik pen meıirimnen, kóktemniń jyr peıilinen; jylýy mol qýattan, sáýlesi mol shýaqtan; ónegeli órkendikten, ásemdik pen kórkemdikten bastaý alǵan 8 naýryz Halyqaralyq analar merekesimen quttyqtaımyz!

İİ júrgizýshi: Analardyń qudiretti qýaty - Alataýdaı aspan – kókpen talasady, tirshilikke urpaq keltirýshi, otbasynyń júregi, balanyń baqyty, urpaqtyń tárbıeshisi, qamqorshysy, asyraýshysy, jaryq dúnıeniń jaqsylyqtaryn jasaýshy, adam balasyna tek jaqsylyq oılaýshy jandarǵa qandaı tilek aıtsaq ta jarasady!..

İ júrgizýshi: Búgingi «Aıaýly ana - balladasy Álemniń» atty merekelik keshtiń quttyqtaý sózi mektebimizdiń dırektory Ońǵarov Muhtar Dosbergenulyna beriledi.

İİ júrgizýshi:
Qyzdar degen – tektiliktiń tumary,
Inabat pen ıbalyqtyń syńary,
Arý qyzdar, ásem qyzdar, gúl qyzdar,
Eń ádemi ásemdiktiń shynary!..

İ júrgizýshi: Analyq paryz – qasıetti qubylys. Álemdegi jaqsylyq kózi, adal qasıet, aq tilek, izgilik, meıirbandyq, sulýlyq degenniń bári – ana tabıǵatymen úndesedi. Jaryq dúnıedegi jaqsylyqtar ananyń aq sútinen nár alǵan, ananyń qudiretti qýatymen jaralǵan.

İİ júrgizýshi:
Taǵdyryna talaıdyń alańdaısyń,
Alynbaıtyn alyp bir qamaldaısyń,
Ardaqty da qymbatty asyl ustaz,
Sen meniń eń aıaýly anamdaısyń!..

İ júrgizýshi: Otan menen otbasymda jarasym Ata-ana bizder úshin dara shyń, Mápelegen, aıalaǵan ul-qyzyn, Ol Ákem men meniń asyl anashym!..

Án: «Ata-anama rahmet!»

---