InfoHub Logo

Erteń jańa jyl, taǵy da bir jansyz ótkizgeli otyrmyz. Byltyrǵysha shyrsha shamdary jarqyraǵanymen, ana sizdiń kúlkińizdeı úı ishi jarqyrar emes...ókinishti. Anashym osy jyly dál osy kúni siz, ákem, qaryndasym, inim jáne men beseýimiz, ortalyq alańdaǵy shyrshaǵa baryp, túrli oıyndar oınap, ertegi keıipkerlerimen sýretke túsip kóńildi qaıtýshy edik! Shirkin sol kúnder oralsa eken...  Ana keshe inimniń Aıaz ataǵa jazǵan hatyn oqydym. Oqyp otyryp janaryma jas tolyp, júregim ezilip ketti. Ol bylaı baıandapty:

Qurmetti Aıaz ata! Men sizden ózge balalar sekildi oıynshyq ta, tátti kámpıtte suramaımyn. Dosym Aıdardaı úlken avtomatta suraǵym kelmeıdi. Aıaz ata saǵan búkil balalar hat jazady, seni oryndaıdy deıdi ǵoı, sol shyn bolsa meniń bir armanym bar. Maǵan ANA syılashy!  Bilesiz be, men anamnyń meırimine kópte bólengen emespin.  Aq sútim aýzymnan arylmaǵan shaqta anam aýryp qaıtys bolypty. Keshe mektepte jańa jyl merekesi ótti, bári anasyna jańa jyldyq tilek jazǵan ashyq hattaryn berdi.  Al men kóp balanyń ishinde kimge usynarymdy bilmeı shette qalyp qoıdym. Ákem de meni kóre almady. Nege deısiz be? Onyń jumysy kóp... onyń ústine meıramǵa daıyndyq úshin dastarqanǵa azyq-túlik alý úshin kúndiz túni bazarda bizdiń qamymyz úshin aıaǵynan syz ótip arba aıdap júr.  Aıaz ata, ótinish osy armanymdy oryndashy...
S/n Berik 

Dep astyna qolyn qoıyp pochta jáshigine salyp ketipti. 
Iá, Anashym biz sizdi qatty saǵyndyq! Búgingi keshtiń túk qyzyǵy qalmaǵan syqyldy. Myna shyrsha oıynshyǵyna qarap otyryp, sizdiń jymıǵan janaryńyz esime túsip ketti. Ákem kelip qalyp, meni birden túsine qoıyp, únsiz qaldy.

---