InfoHub Logo

Qazaqstan táýelsizdigi – bul ǵasyrlardan asa tarıhy bar qazaq memleketiniń qalyptasýy men damýy, búgingi jetken jetistigi men asqan asýy.

Táýelsizdik  – bul búgingi ómir ǵana emes, sonymen qatar, erteńgi ómirimiz – Qazaqstannyń bolashaǵy, onyń múmkindikteri men maqsattary. Táýelsiz bolý – óz taǵdyryna jaýap berý degen sóz.

Ústimizdegi táýelsizdik alýymyzǵa sebepshi bolǵan 1986 jylǵy Jeltoqsan kóterilisine 29jyl, Táýelsizdigimizdi alǵanymyzǵa 25 jyl tolady. Bul jyldar tarıh úshin qamshynyń sabyndaı qysqa ýaqyt bolǵanymen, qazaq eliniń memleket bolyp qalyptasýyna, onyń daýyna jol ashqan sátti merzim bolyp otyr. Osy ýaqyt aralyǵynda Qazaqstan álem elderi arasynda ózindik damý úrdisimen oryn ala bildi. Sonymen qatar óz erekshelikterimen qosa batyldyǵymen, tabandylyǵymen álemge atyn shyǵardy. Bul jolda elbasymyzdyń eńbegi ólsheýsiz – qajyrly jumystyń, sanaly saıasattyń arqasynda Qazaqstannyń ekonomıkalyq, álýmettik salalardaǵy reformalary, ultaralyq tatýlyq pen konfesıaaralyq birlikti saqtaýdaǵy isteri, beıbitshilik pen qaýipsizdikti qamtamasyz etýdegi júzege asyrylyp jatqan sharalaryn búginde álem elderi moıyndap otyr. Bul degenimiz táýelsizdigimizdiń arqasynda jetken eń úlken jetistigimizdiń biri bolyp sanalady.

Qazaqstan memleketiniń búgingi tańda el ekonomıkasyna barynsha kóńil bólip otyrǵany barshamyzǵa aıan. TMD elderi ishinde birinshi bolyp ekonomıkalyq reformalardy júzege asyrdy, «Qazaqstan - 2030» uzaq merzimdi strtegıalyq baǵdarlamasy ázirlenip, osy negizde san túrli ekonomıkalyq baǵdarlamalar týyndady. Elbasynyń tańdaýy damýdyń durys ta sara joly ekendigin, búgingi tańda tarazy ýaqyt dáleldep berip otyr. Osy tıimdi baǵdarlamalardyń baǵyttary boıynsha qazirgi tańda kóptegen jumystar júrgizilip, sonyń ishinde agro ónerkásibi de jaqsy jumystardyń yqpalymen qarqyndy damý barysynda.

Táýelsizdik – elimizdiń eń basty merekesi. Qazaqstannyń jańa dáýirde qol jetkizgen barlyq tabystardyń qaınar kózi – Táýelsizdik. Táýelsiz bolǵanymyzdyń arqasynda Qazaqstan sózi men isin búkil álem tanydy jáne tanıda beredi. Dúnıeniń bir buryshynda Qazaq degen halyqtyń bar ekenin jáne úlken ister tyndyra alatynyn barsha álemge tanytqan bizdiń ata-babalarymyzdyń jáne eli úshin jandaryn qıǵan batyrlarymyzdyń arqasynda álemdik deńgeıde kók baıraǵymyz jelbirep tur.

1991 jyl 16 jeltoqsan – elimizdiń egemendigin jarıalaǵan kún. Sol kúni kógimizde táýelsizdik Týy jelbiredi. Sodan beri 25 jyl ýaqyt ótti. Osy óshpes jyldar ishinde Qazaqstan ekonomıkasy qaryshtap damydy. Saıasattardaǵy syndarly baǵyt óz jemisin berýde. Osy saıasattardyń arqasynda qanshama daǵdarystardan aman-esen shyǵyp jatyrmyz. Qazirde elimizde tynyshtyq zaman ornap, qoı ústine boztorǵaı jumyrtqalaǵan zaman keldi dep maqtanyshpen aıta alamyz.

Táýelsiz Qazaqstanymyzdyń tuǵyry bıiktep, egemendigimizdiń irgetasy nyǵaıa tússin. Ǵasyrlar boıy ańsatyp jetken táýelsizdikpen kelgen halyq tileýi mángilik bolyp, Gımnimiz áýede asqaqtap, Eltańbamyzdyń eńsesi bıik bolyp, Týymyz kókte sharyqtaı bersin demekpin.Osy tusta aıta ketetin jaıt elimizdiń taǵy bir úlken jetistigi bolashaqta josparlanyp otyrǵan EHRO-2017 kórmesin oıdaǵydaı ótkizsek, elimiz úshin teńdesi joq jetistikterdiń biri bolary anyq.

Elimizdiń barlyq salasyndaǵy qyzmetkerlerge, shet eldiń túrli saladaǵy mamandarmen tájirıbe almasýǵa, ıaǵnı bilim salasyna qatty kóńil bólip, jastardyń sapaly bilim alýǵa jaǵdaı jasalýda. Osynyń bári táýelsiz eldiń maqtanyshy deýge bolady. Sondyqtan Táýelsizdigimizdi mángilikke saqtap, Elimizdiń Týy kókte qalyqtap, yntymaǵy jarasqan el bolaıyq!

Elbasy men el muraty – Táýelsizdik

Jeltoqsannyń jeli, aıazy yzǵarly,
Qandy muzda talaı qazaq syzdady.
Eli úshin shyqqan sol kúni alańǵa,
Azap shekti–aý talaı qazaq jastary.
Qýan elim táýelsizsiń, azatsyń,
Dúbára emes, qany taza qazaqsyń.
Er júrekti ul qyzyńnyń arqasy,
Táýelsiz el jıyrma tórt jyl jasapsyń.
Estýdemin dombyranyń bal únin,
Jylaıtyn da, qýanatyn kún búgin.
Qazaq eli toılap jatyr bul kúnde,
Jıyrma tórt jyl bolǵan táýelsizdigin...
Qazaǵymnyń darhan dala keńdigin,
Qorǵaı alatyn Qaırattaıyn endi kim?
Sol bozdaqtar máńgi bizdiń júrekte,
Qazaǵymnyń saqtap qalǵan teńdigin.
Aspanymda jelbiregen kók týym,
Jasa meniń qazaq elim tunyǵym.
Táýelsizbiz, táýelsizdik tuǵyrym,
Táýelsiz bop qalyptasty uǵymym.
Keń dalamda dombyramen kúı oınap,
Kórsem deımin áli talaı qyzyǵyn.
Qaırat atam, Lázzat apam syılaǵan,
Men daǵy Táýelsiz el qyzymyn.

Shymkent agrarlyq kolejiniń  
KTK9-161 tobynyń stýdenti Amırhan Nazerke
Jetekshisi: Bedebaeva Aıgúl

---