Aıda tuńǵysh ret ósimdik ósti
Maqtanyń dánegi Aı betindegi arnaıy sańylaýsyz konteınerde ósip shyqqan tarıhtaǵy bizdiń ǵalamshardan jetkizilgen alǵashqy ósimdik bolyp otyr.
Qańtardyń 3 kúni «Chang'e-4» Aıdyń arǵy betine qonǵan tarıhtaǵy alǵashqy apparat boldy. Ósimdikterdiń dánekterine jasalatyn tájirıbelerden bólek ol Aı topyraǵyn alyp, onyń synamalaryn taldaıdy.
Lunar Micro Ecosystem ósimdikterdi Aıda ósirý tájirıbesiniń avtorlary jeńisterin merekelep jatyr, dep Xinhua habarlaıdy. Ǵalymdar osy bertinge deıin Aıdaǵy tartylys kúshi jaǵdaıynda buny isteı alatyndaryna senimdi bolmady.
Maqta dánekteri Aıǵa aıryqsha kunarly orta túzilgen sańylaýsyz konteıner ishinde jetkizildi. Onyń ishinde kartop, ashytqy dánekteri jáne jemis-jıdek shybynynyń tuqymy boldy. Buǵan qosa, konteınerler eki kameramen jaraqtalyp, ǵalymdar sol kameralar arqyly úderisterdi baqylap otyrdy.
Chang'e-4 Aı stansıasy sátti qonyp, jumysyn bastaǵan soń, qytaı aeroǵarysh ınjenerleri úshólshemdi baspa tehnologıasyn barynsha qoldana otyryp, aı bazasyn salýdy bastaýdy josparlap otyr, dep Daily Mail habarlaıdy. Jerdiń jalǵyz seriginiń betindegi ondaı nysan keleshekte Balpanǵa (Mars) jasalatyn mısıa úshin úshólshemdi qurylys tehnologıalarynyń synaq polıgony bolýy múmkin ekendigi atap ótildi.
You Might Also Like
-
Arystan bab esimi Otyrar, Saıram, Iasy óńirindegi sopylardyń rýhanı ustazy retinde keńinen tanymal. Islam dininen basqa otyz úsh dindi bilgeni jáne áýlıe kisi bolǵany jaıly halyq arasynda ańyz bar.
-
Dekrettik demalys kezinde kóptegen jas analar jańa shyǵarmashylyq qabiletterin ashady, bireý keremet áshekeıler jasaı bastaıdy, bireýi qyzyqty romandar jazady, al Arızonalyq on bir balanyń anasy Lıza H...
