InfoHub Logo

Ázilbaı kóshede bir qurdasymen ushyrasa qalypty.

— Qal qalaı?

— Jaqsy.

— Densaýlyǵyń she?

— Jaman emes.

— Pensıaǵa shyqtyń ba?

— Joq, áli bes jyl bar. Ázilbaı qurdasynyń osy sózdi aıtyp renish bildirýine oraı, kúıinish bildirip tomsaryp turǵanynda, mekemeniń bir tanys bastyǵy bulardyń jandarynan salqyn amandasyp óte shyǵypty. Ázilbaı ótken saılamda ornynan qalyp qalmaý úshin munyń bes jasyn kemeıtip málimdegenin estigen eken. Sol esine túse ketip, jalma-jan til qatyp:

— Beri kelip ketińizshi, — dep onyń artynan aǵaılapty. Artyna burylǵan álgi bastyq Ázilbaıdyń janyna kelip suraýly kózben tesile qalypty. Aldymen iltıpat bildirip ıilip alǵan Ázilbaı:

— Bastyq, sizdi jolyńyzdan qaldyrǵanyma ǵapý etińiz, bar bolǵan buıymtaıym sizde «zapas bes jas bar» dep estip edim. Sony mynaǵan bere turyńyz, — depti janyndaǵy kisini kórsetip kúle til qatyp, — pensıaǵa shyǵyp alsyn, keler saılamda sizge de paıdaly.

---