InfoHub Logo

Balabaqshada oınalatyn oıyndar

Balabaqshada oınalatyn oıyndar balanyń fızıkalyq damýy jaǵynan ǵana emes, oı qıal ushqyrlyǵyn, logıkasyn damytady.
Neniń daýysy?
Maqsaty: Janýarlar týraly bilimderin bekitý, janýarlardyń daýysyn ajyratýǵa úıretý.
Sharty: Bir bala shyǵyp bir janýardyń daýysyn keltiredi, qalǵan balalar qaı janýardyń daýysy ekenin ajyratady.
Qýyrshaqty kıindirý
Maqsaty: Kıim ataýlaryn este saqtaýǵa, jyl mezgiline baılanysty kıinýge úıretý.
Sharty: Muǵalim balalarǵa qýyrshaqty kıindirip, serýenge shyǵarý kerektigin aıtady. Balalar kezekpen qýyrshaqqa kerek kıimderdi ataıdy.
Dáriger
Maqsaty: Adamnyń dene múshelerin durys ataýǵa úıretý. Mynaý ne? suraǵyna jaýap berý.
Sharty: Qýyrshaq — dáriger nemese bala — dáriger balalarmen amandasady da qolyn, basyn, qulaǵyn jáne t. b. dene múshelerin kórsetýge usynady.
Sende ne bar?
Maqsaty: Suraqty túsinip zatty durys atap, jaýap berýge úıretý.
Sharty: Muǵalim zattardy balalarǵa taratyp berip, sende ne bar? — dep suraq qoıady, balalar jaýap beredi.
Baý – baqshada
Maqsaty: Kókónister men jemisterdi durys ataýǵa, ajyratýǵa úıretý.
Sharty: Ústel ústinde baý — baqshanyń sýreti. Balalarda kókónister men jemisterdiń sýreti. Muǵalimniń belgisi boıynsha, balalar kókónisterdi, jemisterdi baý — baqshaǵa ornalastyrady.
Kim kóp sóz aıtady?
Maqsaty: Ótken sózderdi pysyqtaý, logıkalyq oılaý qabiletin damytý.
Sharty: Muǵalim taqyrypty aıtady, balalar sol taqyrypqa baılanysty sózderdi aıtady. Mysaly: «Oıynshyqtar». Balalar: dop, aıý, qoıan, zyryldaýyq t. b.
Bul úıde kimder turady?
Maqsaty: Balalardyń sózdik qoryn arttyrý, este saqtaý.
Sharty: Tárbıeshi úı terezesinen otbasy músheleriniń sýretin kórsetedi, balalar olardy ataıdy.